*कोंकण एक्सप्रेस*
*सावंतवाडी विधानसभा मतदारसंघातील प्रमुख पदाधिकाऱ्यांची जिल्हाप्रमुख वैभव नाईक यांच्या उपस्थितीत बैठक संपन्न*
*सावंतवाडी : प्रतिनिधि*
शिवसेना उद्धव बाळासाहेब ठाकरे पक्षाच्या सावंतवाडी विधानसभा मतदारसंघातील प्रमुख पदाधिकाऱ्यांची बैठक आज सिंधुदुर्ग जिल्हाप्रमुख, माजी आमदार वैभव नाईक यांच्या प्रमुख उपस्थितीत सावंतवाडी विश्रामगृह येथे पार पडली. यावेळी संघटना वाढीसंदर्भात वैभव नाईक यांनी पदाधिकाऱ्यांना मार्गदर्शन केले. तसेच बी.एल.ए. नियुक्ती बाबत पदाधिकाऱ्यांकडून आढावा घेण्यात आला.लवकरच बी.एल.ए. यांच्यासाठी मार्गदर्शन मेळावा आयोजित केला जाईल असे त्यांनी सांगितले. दरम्यान संघटना वाढीसंदर्भात विविध विषयांवर चर्चा करण्यात आली.
यावेळी शिवसेना उद्धव बाळासाहेब ठाकरे पक्षाचे सावंतवाडी विधानसभा प्रमुख रुपेश राऊळ, बाळा गावडे, उपजिल्हाप्रमुख चंद्रकांत कासार, उपजिल्हाप्रमुख लक्ष्मण आयनोडकर, सावंतवाडी तालुकाप्रमुख राजू शेटकर, दोडामार्ग तालुकाप्रमुख संजय गवस, वेंगुर्ले तालुकाप्रमुख निलेश चमणकर, जी.प.सदस्य विजय नाईक, जी.प.सदस्य संजय गावडे, युवासेना उप तालुकाप्रमुख सिद्धेश कासार, विभाग प्रमुख दिवा गसव आदी उपस्थित होते.
