*कोंकण एक्सप्रेस*
*आमदार प्रमोद जठार यांच्याकडून कसबा येथील छत्रपती संभाजी महाराज स्मारकास भेट; महाराजांच्या पुतळ्यास केले अभिवादन*
*कसबा ः प्रतिनिधी*
येथील छत्रपती संभाजी महाराज स्मारकास आमदार प्रमोद जठार यांनी सदिच्छा भेट दिली. याप्रसंगी त्यांनी छत्रपती संभाजी महाराजांच्या भव्य पुतळ्यास पुष्पहार अर्पण करून अत्यंत विनम्रतेने अभिवादन केले.
यावेळी उपस्थित कार्यकर्त्यांनी आणि पदाधिकाऱ्यांनी दिलेल्या ‘छत्रपती संभाजी महाराज की जय’ आणि ‘छत्रपती शिवाजी महाराज की जय’ अशा गगनभेदी घोषणांनी संपूर्ण परिसर दणानून सोडला होता. शिवप्रेमींच्या या घोषणांमुळे परिसरातील वातावरण अत्यंत उत्साहपूर्ण आणि भारावून गेले होते.
याप्रसंगी आमदार प्रमोद जठार यांच्यासोबत जिल्हा सरचिटणीस ओंकार फडके, राजू महाडिक, जिल्हा परिषद सदस्य प्रमोद अधटराव, डॉ. ताटरे, विनोद म्हस्के, प्रतीक देसाई, सतीश पटेल आणि कोमल रहाटे यांच्यासह अनेक प्रमुख कार्यकर्ते व पदाधिकारी मोठ्या संख्येने उपस्थित होते.
