*कोंकण एक्सप्रेस*
*खारेपाटणमध्ये ‘उबाठा’ला खिंडार! साळीस्ते आणि शेर्पे गावातील दोन शाखाप्रमुखांसह शेकडो कार्यकर्त्यांचा भाजपमध्ये जाहीर प्रवेश*
*खारेपाटण ः प्रतिनिधी*
कणकवली विधानसभा मतदारसंघातील खारेपाटण विभागात ‘उद्धव बाळासाहेब ठाकरे’ (उबाठा) गटाला मोठे भगदाड पडले आहे. साळीस्ते आणि शेर्पे या दोन गावांतील दोन प्रमुख शाखाप्रमुखांसह शेकडो कार्यकर्त्यांनी आज पंतप्रधान नरेंद्र मोदी, उपमुख्यमंत्री देवेंद्र फडणवीस, खासदार नारायणराव राणे आणि सार्वजनिक बांधकाम मंत्री व प्रदेशाध्यक्ष रविंद्र चव्हाण यांच्या नेतृत्वावर विश्वास ठेवून भारतीय जनता पार्टीत जाहीर प्रवेश केला.
प्रमुख पदाधिकाऱ्यांचा समावेश
पक्षात प्रवेश केलेल्यांमध्ये उबाठा गटाचे महत्त्वाचे स्तंभ मानले जाणारे साळीस्ते शाखाप्रमुख श्री. वैभव कांबळे आणि शेर्पे शाखाप्रमुख तसेच ग्रामपंचायत सदस्य श्री. भूषण शेलार यांचा समावेश आहे. या दोन्ही प्रमुख नेत्यांसह त्यांच्या असंख्य समर्थकांनी हाती ‘कमळ’ घेतले आहे.
प्रवेश केलेले प्रमुख कार्यकर्ते
यावेळी अरुण कांबळे, ऋषिकेश कांबळे, चेतन कांबळे, नामदेव कदम, शोभा कदम, सुनंदा तेली, वासुदेव पवार, सुनंदा पांचाळ, नारायण पांचाळ, निर्मळा पांचाळ, सुलोचना पांचाळ, दीपक पांचाळ, सचिन पांचाळ, कल्पना पांचाळ, वैशाली पांचाळ, सुगंधा पवार, पांडुरंग पांचाळ, सविता पवार, वामन तेली, जयश्री तेली, मोरेश्वर पवार, वसंत पांचाळ, ज्ञानदेव पांचाळ, महेश पवार, तुकाराम तेली यांसह शेकडो कार्यकर्त्यांचे भाजपमध्ये स्वागत करण्यात आले.
विकासाच्या प्रवाहात सहभागी
भारतीय जनता पार्टीच्या वतीने सर्व कार्यकर्त्यांचे पक्षात उत्साहात स्वागत करण्यात आले. केंद्रातील आणि राज्यातील भाजप सरकारच्या विकासकामांनी प्रेरित होऊन हा प्रवेश झाल्याचे यावेळी सांगण्यात आले. “सर्व नवीन सहकाऱ्यांचे पक्षात मनापासून स्वागत असून, त्यांना पुढील राजकीय प्रवासासाठी आणि जनसेवेसाठी शुभेच्छा देतो,” अशा शब्दांत मान्यवरांनी कार्यकर्त्यांचे मनोबल वाढवले.
या मोठ्या पक्षप्रवेशामुळे खारेपाटण विभागात भारतीय जनता पार्टीची ताकद अधिक मजबूत झाली असून, विरोधकांना हा मोठा धक्का मानला जात आहे.
