*कोकण Express*
*खासदार नारायण राणे यांच्या वाढदिवसानिमित्त भव्य रक्तदान शिबिराचे आयोजन*
*सुवर्ण सिंधू पंचगव्य चिकित्सा केंद्र , भाजपा मांगवली व ग्रामपंचायत मांगवली, सिंधू रक्त मित्र प्रतिष्ठान यांचा संयुक्त उपक्रम*
*वैभववाडी प्रतिनिधीी*
सुवर्ण सिंधू पंचगव्य चिकित्सा केंद्र व ग्रामपंचायत मांगवली यांच्या संकल्पनेतून व सिंधू रक्त मित्र प्रतिष्ठान यांच्या संयुक्त विद्यमाने व खासदार नारायण राणे यांच्या वाढदिवसानिमित्त शनिवार दि.१० एप्रिल २०२१ रोजी सकाळी ०८.०० ते ०१.०० या वेळेत ग्रामपंचायत मांगवली येथे भव्य रक्तदान शिबिराचे आयोजन करण्यात आले आहे. या शिबिरातील रक्त दात्यानां प्रोत्साहन म्हणून २ हेल्मेट व १ ईअर फोन या वस्तूंचा लकी ड्रॉ काढण्यात येणार आहे. तसेच सर्व सहभागी रक्त दात्यांना सन्मानपत्र देऊन गौरविण्यात येणार आहे. तरी तालुक्यातील नागरिकांनी या शिबिरात सहभागी व्हावे अधिक माहितीसाठी ७०५७५४४६४३ या आपल्या मोबाईल क्रमांकावर संपर्क साधावा. असे आवाहन सिंधू रक्त मित्र प्रतिष्ठान चे वैभववाडी तालुकाध्यक्ष राजेश पडवळ यांनी केले.
यावेळी सचिव मंगेश कदम,सुवर्ण सिंधु पंचगव्य चिकित्सा केंद्र संचालक व खरेदी विक्री संघ वैभववाडी अध्यक्ष महेश संसारे ,मांगवली माजी सरपंच राजेंद्र राणे आदी पदाधिकारी उपस्थित होते.
रक्तदान शिबीर यशस्वीरित्या पारपडावे यासाठी माजी समाज कल्याण सभापती शारदा कांबळे, सरपंच सुवर्णा लोकम, उपसरपंच शिवाजी नाटेकर आणि भाजपा स्थानिक समिती विशेष प्रयत्न करत आहे.
