*कोकण Express*
*कणकवली पटवर्धन चौक ते डीपी रोड पर्यंतची आर ओ डब्ल्यू लाइन अखेर निश्चित!*
*काही जुनी बांधकामे तर काही नवीन बांधकामे आर ओ डब्ल्यू लाईनमध्ये येत असल्याचे उघड!*
*कणकवली ः प्रतिनिधी*
शहरातील चौपदरीकरणाच्या भूसंपादनाची आर ओ डब्ल्यू लाईन निश्चित न करताच गटाराचे बांधकाम सुरू केल्यामुळेच हद्द निश्चित करण्यासाठी आज मोजणी करून घेण्यात आली. कणकवलीतील जनतेने आम्हाला येथे प्रश्न सोडवण्यासाठी बसवले. त्यामुळे कोणाला त्रास देण्यासाठी प्रयत्न होणार नाहीत अशी ग्वाही नगराध्यक्ष समीर नलावडे यांनी कणकवलीतील व्यवसायिकांना आर ओ डब्ल्यू लाईन निश्चिती नंतर दिली.
चौपदरीकरणाच्या कामाच्या ठिकाणी पटवर्धन चौकात चुकीच्या पद्धतीने गटाराचे काम होत असल्याचा आक्षेप घेत हे काम थांबवण्यात आले होते. त्यानंतर सोमवारी ठेकेदार कंपनीकडून आर ओ डब्ल्यू लाईन ची मोजणी करण्यात आली. या मोजणी दरम्यान बाजारपेठ रस्ता ते कला फोटो स्टुडिओ च्या समोर पर्यंत सुमारे एक ते तीन मीटर पर्यंत जागा बाहेर ठेवून आत मधेच गटाराचे बांधकाम करण्यात आल्याचे उघडकीस आले. यामुळे संपादित केलेली जागा गटाराच्या बाहेर राहत असल्याने या जागेत येत असलेल्या बांधकाम व अतिक्रमणाची पाहणी नगराध्यक्ष समीर नलावडे, उपनगराध्यक्ष बंडू हर्णे यांच्यासह सत्ताधारी नगरसेवकांनी केली. नगरपंचायत ची नळयोजना पाईपलाईन घालण्यासाठी किमान दीड मीटर जागा आवश्यक असून, ही जागा सोडण्याबाबत ठेकेदार कंपनीला अनेकदा सूचना दिल्या. मात्र त्याची कार्यवाही झालेली नाही. असेही श्री नलावडे यांनी सांगितले. दरम्यान लक्ष्मी दत्त कॉम्प्लेक्स चा काही भाग डब्ल्यू लाईनमध्ये बाधित होत असल्याने या कॉम्प्लेक्स मधील गाळेधारकांनी नगराध्यक्ष श्री नलावडे व उपनगराध्यक्ष श्री हर्णे यांच्याशी चर्चा केली. त्यावर श्री नलावडे यांनी कॉम्प्लेक्स मधील व्यवसायिकांना नगरपंचायत चे सहकार्य असेल. मात्र नगरपंचायत आवश्यक असलेल्या दीड मीटर जागेबाबत मात्र कोणतीही तडजोड करता येणार नसल्याचे श्री नलावडे व हर्णे यांनी स्पष्ट केले. यावेळी नगराध्यक्षांनी ठेकेदार कंपनीकडून मोजणी करून आर ओ डब्ल्यू लाईन हद्द दाखवलेल्या पॉईंट ची पाहणी केली . त्यानंतर नगरपंचायत मध्ये लक्ष्मीदत्त कॉम्प्लेक्स मधील व्यवसायिक व नगराध्यक्ष, उपनगराध्यक्ष.
