*कोंकण एक्सप्रेस*
*मालवण नगरपरिषदेच्या ‘नमो उद्यान’ विकासकामाचा भूमिपूजन सोहळा संपन्न; ₹१ कोटीचा निधी मंजूर*
*मालवण ः प्रतिनिधी*
मालवण शहराच्या सौंदर्यीकरणात भर घालणाऱ्या आणि नागरिकांसाठी हक्काचे विरंगुळा केंद्र ठरणाऱ्या ‘नमो उद्यान’ या महत्त्वपूर्ण विकासकामाचा भूमिपूजन सोहळा मोठ्या उत्साहात संपन्न झाला. मालवण नगरपरिषदेमार्फत विकसित करण्यात येणाऱ्या या उद्यानासाठी ₹१ कोटी रुपयांचा निधी मंजूर करण्यात आला आहे.
या महत्त्वपूर्ण विकासकामाचे भूमिपूजन कुडाळ-मालवण मतदारसंघाचे आमदार माननीय निलेशजी राणे साहेब यांच्या प्रमुख उपस्थितीत आणि मान्यवरांच्या हस्ते करण्यात आले.
मान्यवरांची उपस्थिती
या उत्साहपूर्ण सोहळ्याला राजकीय क्षेत्रातील दिग्गज नेत्यांसह प्रशासकीय अधिकारी आणि स्थानिक नागरिकांनी मोठी गर्दी केली होती. याप्रसंगी प्रामुख्याने उपस्थित असलेले मान्यवर:
श्री. दत्ताजी सामंत (शिवसेना जिल्हाप्रमुख)
सौ. ममता वराडकर (नगराध्यक्षा)
श्री. दीपक पाटकर (उपनगराध्यक्ष)
श्री. सहदेव बापार्डेकर (बांधकाम सभापती)
श्री. प्रतीक थोरात (मुख्याधिकारी)
यांच्यासह मालवण नगरपरिषदेचे सर्व सन्माननीय नगरसेवक, विविध क्षेत्रातील लोकप्रतिनिधी, पालिकेचे अधिकारी वर्ग आणि मालवणचे नागरिक मोठ्या संख्येने उपस्थित होते.
नागरिकांमध्ये आनंदाचे वातावरण
”नमो उद्यानाच्या उभारणीमुळे मालवण शहराच्या वैभवात मोलाची भर पडणार असून, बालकांपासून ज्येष्ठ नागरिकांपर्यंत सर्वांसाठीच हे उद्यान एक उत्तम केंद्र ठरेल,” असा विश्वास यावेळी उपस्थितांनी व्यक्त केला. निधी मंजूर करून आणल्याबद्दल आणि कामाची प्रत्यक्ष सुरुवात केल्याबद्दल स्थानिक नागरिकांनी आमदार निलेश राणे व नगरपरिषदेचे आभार मानले आहेत.
