*कोंकण एक्सप्रेस*
*प्रत्येकाने सुदृढ आरोग्य राखणे ही काळाची गरज – सोनु सावंत*
*आशिये येथे आरोग्य शिबिराला उत्स्फुर्त प्रतिसाद ; 217 विविध प्रकारच्या झाल्या तपासण्या*
*कणकवली : प्रतिनिधी*
आपल्या जीवनात आरोग्य धनसंपदा असून सुदृढ शरीर असणे ही काळाची गरज बनली आहे.माणसाने कितीही पैसे मिळवले तरी शेवटी जर सुदृढ शरीर नसेल तर त्या पैशाची शुन्य किंमत असून त्याचा उपयोग घेता येत नाही. आशिये सरपंच महेश गुरव हे नेहमी नाविन्यपूर्ण उपक्रम राबवतात. एखादा दुसरा माणूस उपक्रम करतो म्हणून आपण करुया , असे न करता आपल्या गावातील लोकांसाठी प्रामाणिकपणाने सेवेच्या भावनेतुन या आरोग्य शिबिराचे आयोजन महेश गुरव यांनी केले आहे. आशिये गाव छोटासा असूनही महेश गुरव यांनी खा.नारायण राणे , पालकमंत्री नितेश राणे यांच्या नेतृत्वाखाली वेगळ्या विकासाच्या उंचीवर नेऊन ठेवल्याचे प्रतिपादन उपसभापती सोनु सावंत यांनी केले.
आशिये येथे ग्रामपंचायत व माझ गाव आरोग्य संपन्न गाव अभियाना अंतर्गत आरोग्य शिबिराच्या शुभारंभ प्रसंगी ते बोलत होते. यावेळी जि.प. सदस्या सुप्रिया मेस्त्री , पं.स. सदस्य गुरुनाथ वर्देकर, सरपंच महेश गुरव , उपसरपंच संदीप जाधव, ग्रा.प.सदस्य अविराज मराठे , विशाखा गुरव, सत्यवान धुरी , प्रविण पावसकर , ग्रामपंचायत अधिकारी राकेश गोवळकर, मोतीराम कासले , माजी सरपंच प्रणाली बाणे,वैद्यकीय अधिकारी रुपाली वळंजू , आरोग्य सहाय्यक महेश आचरेकर, आरोग्य सहाय्यक मंगेश परब , रक्त तपासणीस योगेश सावंत, आरोग्य सहाय्यकसेवक चंद्रमणी कदम , सीएचओ ऐश्वर्या गावडे , नेत्र तपासणी मारुती सावंत, आरोग्य सहाय्यक देवयानी केसरकर , आशा सेविका गार्गी नेमळेकर, मिनल सावंत , परिचारिका प्राजक्ता जाधव , आशा सेविका नेहा लाड ,सोनल लोकरे, श्रीम.रावराणे , ग्रा.पं.कर्मचारी दुर्वा जाधव , सायली गुरव , रुचिता माणगांवकर , प्रकाश गुरव आदींसह वैद्यकीय कर्मचारी उपस्थित होते.
जि.प.सदस्या सुप्रिया मेस्त्री म्हणाल्या , आशिये गावातील नागरिकांसाठी सरपंच महेश गुरव यांनी या आरोग्य शिबिराचे आयोजन केले. खरोखरच त्याबद्दल त्यांचे व त्यांच्या सहका-यांचे कौतुक आहे. जिल्हा परिषदच्या माध्यमातून या गावासाठी आवश्यक ते सहकार्य केले जाईल. भविष्यात अशा उपक्रमांमध्ये माझा नेहमी सहभाग असेल.
प्रास्ताविकात महेश गुरव म्हणाले, आपल्या आशिये गावातील ग्रामस्थांच्या आरोग्याच्या दृष्टीने हे महत्वाचे शिबिर आहे. आपली माणसे निरोगी राहावीत. गावातील नागरिकांना कुठलाही दुर्धर आजार होण्याच्या अगोदरच निदान झाले तर कुठल्याही आजारावर मात करता येते. कॅन्सर सारखे आजारही योग्य निदानामुळे बरे होवू शकतात. या शिबिरात नेत्र तपासणीत मोफत चष्मा व शस्त्रक्रिया देखील करण्यात येणार आहे.
आशिये गावातील ग्रामस्थांनी गावात आरोग्य शिबिर आयोजित केल्याबद्दल सरपंच महेश गुरव यांचे आभार मानले.
बॉक्स –
आरोग्य शिबिराचा ग्रामस्थांना मिळाला लाभ
माझं गाव आरोग्य संपन्न गाव अभियान व आशिये ग्रामपंचायतच्यावतीने आयोजित आरोग्य शिबिरात रक्त तपासणी 45 , एक्से 65 , ईसीजी 43 , नेत्र तपासणी 40 , ई संजीवनी तपासणी 24 एकूण बाह्यरुग्ण तपासणी 78 नागरिकांची करण्यात आली. त्याचबरोबर आयुष्मान कार्ड 35, वंदना कार्ड यासारख्या विविध शासकीय योजनांचे कार्ड विनामुल्य या शिबिरात काढण्यात आले. याशिबिरात विविध 217 प्रकारच्या तपासण्या करण्यात आल्या आहेत.
