*कोंकण एक्सप्रेस*
*विद्यार्थिनीने दिली प्रशालेला ग्रेट भेट*
*सामाजिक बांधिलकीचा एक उत्तम उपक्रम*
*कणकवली ः संजना हळदिवे*
माध्यमिक विद्यामंदिर कनेडी येथील माजी विद्यार्थिनी कुमारी वल्लरी निलेश राणे हिने इयत्ता दहावीच्या बोर्ड परीक्षेत 81 टक्के गुण मिळवून उल्लेखनीय यश संपादन केले. आपल्या यशाचे श्रेय प्रशालेतील शिक्षक व शाळेच्या शैक्षणिक वातावरणाला देत तिने प्रशालेला एक सिलिंग फॅन भेट स्वरूपात प्रदान केला असून तो फॅन तिने ज्या वर्षी सातवी या वर्गात प्रवेश घेतला त्याच वर्गात लावण्याची इच्छा व्यक्त केली आहे.
कुमारी वल्लरी हिने शाळेप्रती कृतज्ञता व्यक्त करत केलेल्या या उपक्रमाचे सर्व स्तरातून कौतुक होत आहे. विद्यार्थ्यांनी शाळेने दिलेल्या संस्काराची जपणूक करून समाजाप्रती आपली जबाबदारी ओळखावी असा आदर्श तिच्या कृतीतून निर्माण झाला आहे.
यावेळी प्रशालेचे मुख्याध्यापक सन्मा.श्री.सुमंत दळवी, पर्यवेक्षक सन्मा.श्री.बयाजी बुराण तसेच शालेय समिती चेअरमन सन्मा. श्री.आर.एस.सावंत व सदस्य सन्मा. श्री. संतोष सावंत उपस्थित होते. त्यांनी वल्लरीला तिच्या भावी वाटचालीस खूप खूप शुभेच्छा दिल्या आणि तिच्या या योगदानामुळे शाळेतील विद्यार्थ्यांना सुविधा उपलब्ध होण्यास मदत होणार असल्याचे देखील सांगितले आहे. तिचा आदर्श सर्वच विद्यार्थ्यांनी घ्यावा असा आशावाद व्यक्त केला आहे.
