*कोंकण एक्सप्रेस*
*ब्लॅक बेल्ट परीक्षेत सिंधुदुर्गातील तायक्वांदो खेळाडूंचे यश*
*कणकवली : संजना हळदिवे*
वर्ल्ड तायक्वांदो फेडरेशन तसेच तायक्वांदो फेडरेशन ऑफ इंडिया, तायक्वांदो असोसिएशन ऑफ महाराष्ट्र आणि रत्नागिरी तायक्वांदो स्पोर्ट्स असोसिएशनच्यावतीने घेण्यात आलेल्या ब्लॅक बेल्ट परीक्षेत सिंधुदुर्ग जिल्ह्यातील तायक्वांदो खेळाडूंनी नेत्रदीपक यश मिळवले आहे.
ही ब्लॅक बेल्ट परीक्षा रत्नागिरी येथिल शिवछत्रपती क्रीडा संकुल येथे २९ ते ३१ मार्च या कालावधी झाली. यामध्ये फर्स्ट डॅन ब्लॅक बेल्ट परीक्षेत केदार टोणेमारे, प्रेशित कामत, आराध्या सातवसे, शान्वी खंडागळे (सर्व मास्टर स्पोर्ट्स तायक्वांदो अँड फिटनेस अकॅडमी कणकवली) , तसेच शिमरन नार्वेकर, जान्हवी कातवणकर, मुग्धा मोंडे, ऋतिका कानेरकर (सर्व शिवरत्न मार्शल आर्ट स्पोर्ट्स अकॅडमी देवगड).त्याचबरोबर ब्लॅक बेल्ट सेकंड डॅन परीक्षेत ओंकार पाटील आणि दुर्वा सरूडकर (दोन्ही मास्टर स्पोर्ट्स तायक्वांदो अँड फिटनेस अकॅडमी, कणकवली). या खेळाडूंनी यश मिळवले आहे. सर्व खेळाडूंना मास्टर स्पोर्ट्स तायक्वांदो अँड फिटनेस अकॅडमी चे राष्ट्रीय प्रशिक्षक व पंच एकनाथ धनवटे तसेच शिवरत्न मार्शल आर्ट स्पोर्ट्स अकॅडमी देवगड चे राष्ट्रीय प्रशिक्षक व पंच सचिन टेंबवलकर यांचे मार्गदर्शन लाभले. सर्व विद्यार्थ्यांचे तायक्वांदो असोसिएशन ऑफ सिंधुदुर्गचे अध्यक्ष संदेश पारकर, तसेच पदाधिकारी भालचंद्र कुलकर्णी ,सुधीर राणे, विनायक सापळे ,अमित जोशी यांनी अभिनंदन केले आहे.
फोटो ओळ – रत्नागिरी येथे झालेल्या तायक्वांदो ब्लॅक बेल्ट परीक्षेत यशस्वी विद्यार्थ्यांसमवेत सिंधुदुर्गच्या अतिरिक्त जिल्हाअधिकारी शुभांगी साठे. तायक्वांदो असोसिएशन ऑफ महाराष्ट्र ( मुबंई ) चे महासचिव मिलिंद पठारे, खजिनदार व्यंकटेश कर्रा, प्रशिक्षक एकनाथ धनवटे, सचिन टेंबवलकर आदी मान्यवर उपस्थित होते.
