*कोंकण एक्सप्रेस*
*गणेशोत्सवात कुडाळ शहरात वाहतूक आणि बाजारपेठेचे विशेष नियोजन…*
*कुडाळ ः प्रतिनिधी*
गणेशोत्सव काळात कुडाळ शहरात वाहतूक कोंडी टाळण्यासाठी आणि बाजारपेठेतील गर्दी सुरळीत ठेवण्यासाठी कुडाळ नगरपंचायतीने विशेष नियोजन केले आहे. या नियोजनानुसार, शहरातील मुख्य रस्ता पूर्णपणे मोकळा ठेवण्यात येणार असून, किरकोळ विक्रेत्यांसाठी तसेच पार्किंगसाठी पर्यायी व्यवस्था करण्यात आली आहे.
गणेश चतुर्थीच्या काळात हॉटेल अभिमन्यू ते काळप नाका एसटी डेपोपर्यंतचा मुख्य रस्ता पूर्णपणे मोकळा ठेवला जाईल. यामुळे वाहतूक सुरळीत होण्यास मदत होईल. गणेशोत्सवादरम्यान हॉटेल अभिमन्यू ते गुलमोहर हॉटेलपर्यंत किरकोळ विक्रेते आणि व्यापाऱ्यांना व्यवसाय करण्यास सक्त मनाई आहे. या काळात नार्वेकर बेकरी ते भाट बिल्डिंग, नगरपंचायतीचे पटांगण आणि भाजीमार्केट येथे व्यवसाय करण्यास परवानगी देण्यात आली आहे. विशेषतः गणेश माती साहित्य विक्री करणाऱ्यांना २५ आणि २६ ऑगस्ट ला इतर ठिकाणी परवानगी दिली आहे
