कोंकण एक्सप्रेस
कणकवली तालुक्यात दिनांक २१ व २२ मार्च २०२५ रोजी रात्रीच्या वेळेस शैक्षणिक कीर्तन आयोजित करण्यासाठी आवाहन
कणकवली : प्रतिनिधि
कोकण बोर्ड अव्वल स्थानावर आहे, नेहमीच असतो परंतु शासकीय नोकरीत सदर अव्वल स्थानावर आलेले विद्यार्थी दिसून येत नाहीत. आम्ही कोकण भूमिपुत्र स्वरूपात “तिमिरातूनी तेजाकडे” या शैक्षणिक चळवळीच्या माध्यमातून पोकळ वक्तव्य न करता निःशुल्क शैक्षणिक कीर्तनाद्वारे पुढची पिढी प्रशासकीय सेवेत व शासकीय यंत्रणेत कशी दाखल होईल यासाठी जनजागृती/समाजप्रबोधन व मार्गदर्शन करीत असतो. त्यातून यशोगाथा सुद्धा निर्माण होतात व कोणत्याही क्लासेस/अकॅडमी शिवाय निवड होते. कणकवली तालुक्यातील आपल्या पंचक्रोशीतील विद्यार्थी प्रशासकीय सेवेत दाखल व्हावेत यासाठी जागरूक, परिवर्तनशील व उपक्रमशील सामाजिक संस्था अथवा कणकवलीतील भूमिपुत्रांनी/सामाजिक कार्यकर्त्यांनी पुढाकार घ्यावे. राजकीय आयोजन असता कामा नये. शैक्षणिक कीर्तन करणाऱ्या मार्गदर्शकाचे नाव, पदनाम, शिक्षण, संपर्क क्रमांक आदि माहिती तळाशी नमूद आहे. गांभीर्याने त्याचे महत्व समजून घ्यावे.
विशेष सूचना:-
👉 शैक्षणिक कीर्तनासाठी कोणतेही मानधन व प्रवास भत्ता आकारला जात नाही.
👉 कीर्तन १.३० तासांचे असते. सभागृहाची आवश्यकता नाही, नाट्य मंच, शाळेचे/महाविद्यालयाचे प्रांगण, मोकळी जागा, घराचे अंगण, धार्मिक स्थळांचे पटांगण/जागा कोठेही शैक्षणिक कीर्तन करता येते. त्यामुळे विशेष कोणताच खर्च नाही.
👉 विद्यार्थी/पालकांची उपस्थिती अनिवार्य. फक्त वही व पेन सोबत असू द्यावे. माईक सिस्टम असल्यास श्रोत्यांना आवाज स्पष्टपणे ऐकू जाईल.
👉 खुर्ची आदि व्यवस्था असली तरी ठिक अन्यथा खाली बसून बैठक अवस्थेत सुद्धा ज्ञानाचे व कीर्तनाचे श्रवण करता येते.
👉 फक्त त्या रात्री, त्या भागात कोणाच्याही घरी राहण्याची/भोजनाची व्यवस्था करावी.
सत्यवान यशवंत रेडकर 9969657820
कनिष्ठ अनुवाद अधिकारी, मुंबई सीमाशुल्क, भारत सरकार
संस्थापक व प्रमुख मार्गदर्शक, तिमिरातुनी तेजाकडे सामाजिक संस्था
( शिक्षण: BCOM, MCOM, MA (HINDI), LLB, PGDHRM, PGDLL & PM, PGDT, MA (PUBLIC ADMIN, APPEARED for MA Sociology)
