*कोंकण एक्सप्रेस*
*सावंतवाडीत 8 जानेवारीला परीट समाजाची बैठक*
*सावंतवाडी : प्रतिनिधी*
सिंधुदुर्ग जिल्हा परीट समाज व सावंतवाडी तालुका परीट समाज यांच्या संयुक्त विद्यमाने सावंतवाडीत बुधवार दि. 8 जानेवारी 2025 रोजी ठीक 4:00 वाजता श्रीराम वाचन मंदिरच्या हॉलमध्ये सिंधुदुर्ग जिल्ह्यातील परीट समाजातील जिल्हा पदाधिकाऱ्यांची व जिल्ह्यातील सर्व तालुकाध्यक्षांची, तालुका सरचिटणीस तसेच सावंतवाडी तालुक्यातील सर्व परीट बांधवांची, पदाधिकाऱ्यांची व सर्व महिला भगिनींची बैठक लावण्यात आली आहे.
ही बैठक परीट समाजाचे प्रदेश उपाध्यक्ष भाऊ कदम साहेब तसेच कोकण विभागीय अध्यक्ष नंदकिशोर राक्षे साहेब व रत्नागिरी जिल्हाध्यक्ष दीपक कदम साहेब, जिल्हाध्यक्ष दिलीप भालेकर यांच्या मार्गदर्शनाखाली आयोजित करण्यात आली आहे.
नवीन जिल्हा कार्यकारणी गठीत करण्यासाठी तसेच 23 फेब्रुवारीला संत गाडगेबाबा जयंती व परीट समाज वधू-वर मेळावा करण्याबाबत चर्चा करण्यासाठी ही बैठक लावण्यात आली आहे. तरी सावंतवाडी तालुक्यातील परीट बंधू भगिनींनी, सर्व तालुकाध्यक्ष, तालुका सरचिटणीस यांनी बैठकीला उपस्थित रहावे असे आवाहन परीट समाजाचे जिल्हाध्यक्ष दिलीप भालेकर, जिल्हा सरचिटणीस संजय होडावडेकर, तालुकाध्यक्ष राजू भालेकर व तालुका सरचिटणीस लक्ष्मण बांदेकर यांनी केले आहे.
