*कोंकण Express*
*प्राध्यापक कीर्ती पाटील यांचे सेट परीक्षेत यश*
*फोंडाघाट ः प्रतिनिधी*
येथील कला आणि वाणिज्य महाविद्यालयातील कॉमर्स विषयाच्या सहाय्यक प्राध्यापिका कु. कीर्ती पाटील यांनी एप्रिल २०२४ मध्ये घेण्यात आलेल्या अर्थशास्त्र विषयाच्या सेट परीक्षेत यश प्राप्त केले. प्राध्यापक पदासाठी सेट किंवा नेट ही पात्रता परीक्षा उत्तीर्ण होणे आहे. राष्ट्रीय पातळीवर घेण्यात येणाऱ्या या परीक्षेत यश म्हणजे शिक्षकी पेशातला एक मैलाचा दगड असतो.
प्रा. कीर्ती पाटील या 2022 पासून कला आणि वाणिज्य महाविद्यालय फोंडाघाटमध्ये कॉमर्स शाखेत सहाय्यक प्राध्यापिका म्हणून कार्यरत आहेत. विद्यार्थी प्रिय प्राध्यापिका असा त्यांचा परिचय आहे. नेहमी सकारात्मक राहून ज्ञानसाधना आणि ज्ञानदान या प्रति सजग राहणाऱ्या, स्वभावातच प्रशासकीय गुण असणाऱ्या व्यक्तिमत्त्वाला मिळालेले यश हे खूप महत्त्वाचे मानले जाते.
याप्रसंगी महाविद्यालयाचे प्रभारी प्राचार्य डॉ.संतोष रायबोले, शिक्षक व शिक्षकेतर कर्मचारी यांनी अभिनंदन केले. त्याचबरोबर संस्थेचे चेअरमन श्री. महेश सावंत, सेक्रेटरी श्री. चंद्रशेखर लिंग्रस, खजिनदार श्री. सचिन तायशेटे व सर्व संचालक मंडळ तसेच महाविद्यालय विकास समितीचे सर्व सदस्य यांनीही त्यांचे अभिनंदन केले.
