*कोकण Express*
*नांदगाव येथे नवनिर्वाचित सरपंच व सदस्यांचा करण्यात आला गौरव*
*किशोर मोरजकर ट्रस्ट ने केले होते आयोजन*
*नांदगाव प्रतिनिधी*
किशोर मोरजकर चॅरिटेबल ट्रस्ट नांदगाव आयोजित नवनिर्वाचित सरपंच व 11 ही सदस्यांचा गौरव सोहळा नुकताच संपन्न झाला आहे. ग्रामपंचायत निवडणूक झाल्यानंतर निवडून आलेल्या नांदगाव गावातील नवनिर्वाचित सरपंच रविराज मोरजकर व सर्व सदस्यांचा सत्कार सर्व प्रथम करण्याचा मान किशोर मोरजकर ट्रस्ट ला मिळाला आहे.
नवनिर्वाचित सरपंच रविराज मोरजकर यांचा शाल, श्रीफळ, पुष्पगुच्छ,व सन्मानचिन्ह देऊन सन्मानित करण्यात आले तसेच नांदगाव च्या विजयात मोलाची कामगिरी बजावलेल्या पंढरी वायंगणकर यांचा ही शाल, श्रीफळ, पुष्पगुच्छ देऊन सत्कार करण्यात आला. नांदगाव सरपंच आफ्रोजा नावलेकर यांच्या गेल्या पाच वर्षांच्या यशस्वी कामगिरी बाबत शाल, श्रीफळ,पुष्पगुच्छ देऊन सत्कार करण्यात आला आहे. तसेच सर्व नवनिर्वाचित सदस्य यामध्ये विठोबा कांदळकर, विनोद मोरये,पुजा सावंत, अक्षता खोत, अनिकेत तांबे, गौरी परब, इरफान साठविलकर,रमिजान गफार बटवाले, संतोष बिडये,नमिता मोरये,जैबा नावलेकर या सर्व सदस्यांचा ही यथोचित गौरव शाल, श्रीफळ, पुष्पगुच्छ देऊन करण्यात आला आहे.
यावेळी व्यासपीठावर नांदगाव सरपंच आफ्रोजा नावलेकर, नवनिर्वाचित सरपंच रविराज मोरजकर, असलदे सरपंच पंढरी वायंगणकर, राजेंद्र मोरजकर,मोरजकर ट्रस्ट चे अध्यक्ष ऋषिकेश मोरजकर,तोंडवली बावशी सरपंच मनाली गुरव, सेवावृत्ती पोलिस उपनिरीक्षक पांडूरंग साळुंखे, रज्जाक बटवाले, संतोष मिराशी , असलदे उपसरपंच संतोष परब, तुकाराम तुप्पट, कमलाकर पाटील, संजय मोरजकर,सुभाष बिडये,हनुमंत वाळके, मारुती मोरये, आदी बहुसंख्येने उपस्थित होते.
कार्यक्रम सुत्रसंचालन हनुमंत वाळके तर प्रास्ताविक व आभार अध्यक्ष ऋषिकेश मोरजकर यांनी मानले आहे.
