*कोकण Express*
*▪️२९५ एसटी कामगार सेवेत रुजू ,लवकरच लाल परी पूर्वरत होण्याचे संकेत*
*▪️कोल्हापूर – पणजी एसटी फेरी झाली सुरू*
*कणकवली ः प्रतिनिधी*
एसटी संपात असलेले कामगार हळू हळू एसटी सेवेत हजर होऊ लागले आहेत.आज शनिवार पर्यंत २९५ एसटी कामगार सेवा देण्यासाठी कामावर हजर झाले.त्यात तब्बल २० दिवसानंतर कणकवली प्रवाशांच्या सेवेसाठी एसटी डेपोत फलाटला एसटी लागल्याचे पहावयास मिळाले. कोल्हापूर – पणजी ही एसटी आज प्रवाशांना घेऊन धावली.
संपूर्ण महाराष्ट्रात एसटी कामगारांनी शासनामध्ये विलगीकरण करण्यासाठी संप पुकारला होता. त्यावर सरकारने पगार वाढीचा प्रस्ताव एसटी कामगारांना दिला आहे. तसेच परिवहन मंत्री अनिल परब यांनी कामगारांना कामावर हजर होण्याची विनंती केली. त्यानुसार सिंधुदुर्ग जिल्ह्यात कालपासून कामगार हजर होत आहेत. काल १९४ कामगार हजर झाले होते.
सिंधुदुर्ग एसटी विभागात चालक वाहक मॅकेनिक व अन्य विभागात २१४६ कर्मचारी कार्यरत आहेत. . हळूहळू सर्वच कर्मचारी कामावर हजर होतील, आम्ही एसटी कर्मचाऱ्यांना आवाहन करत आहोत.जास्तीत जास्त संख्येने कामावर हजर व्हावे,त्यामुळे एसटी बसेस चालू करता येतील, कर्मचारी आवाहन करुनही काम करण्यासाठी येत नाहीत.त्यांचे पगार कपात होणार असल्याने होणारे नुकसान टाळण्यासाठी तातडीने हजर व्हावे असे आदेश एसटी प्रशासनाच्या वतीने दिले आहेत.
