*कोकण Express*
*▪️एसटी वाहतूक नियंत्रकांच्या कामात अडथळा आणल्याप्रकरणी मनसे च्या दया मेस्त्री सह तिघांवर गुन्हा दाखल*
*कणकवली ः प्रतिनिधी*
एसटी आगारात वाहतूक नियंत्रकाचे काम करीत असताना मनसे पदाधिकारी दया मेस्त्री व अन्य तिघा जणांनी वाहतूक नियंत्रक म्हणून ऑन ड्युटी असलेल्या विनय वासुदेव राणे (५२, जानवली – सखलवाडी) हे आपले कर्तव्य बजावत असताना अडथळा आणल्याप्रकरणी गुन्हा दाखल करण्यात आला आहे. हा प्रकार गुरुवारी सायंकाळी साडेसात वाजण्याच्या सुमारास घडला. याबाबत विनय राणे यांनी कणकवली पोलिसात फिर्याद दिली आहे. त्यानुसार भा.द. वि कलम १८६, ३४२ सह फौजदारी सुधारणा कायदा १९३२ चे कलम ७ नुसार गुन्हा दाखल करण्यात आला आहे. दाखल फिर्यादीनुसार, आरोपी हे कणकवली आगारातील वाहतूक नियंत्रण कक्ष येथे जात दया मेस्त्री याने फिर्यादी विनय राणे यांना उद्देशून बाहेर एस टी कर्मचाऱ्यांचा संप अजून चालू आहे. आणि तुम्ही आत का बसलात. जिल्ह्यात अजून गाड्या चालू झालेल्या नाहीत. आम्ही एकही गाडी चालू होऊ देणार नाही. तुम्ही बाहेर या. नाहीतर मी आत येतो. असे म्हणत दया मेस्त्री व सोबत अन्य दोन कार्यकर्ते हे नियंत्रण कक्षात गेले. व विनय राणे यांना चला उठा म्हणत नियंत्रण कक्षातील लाईट बंद केली. आणि सरकारी काम करू दिले नाही अशी फिर्याद दाखल करण्यात आली आहे. या फिर्यादी नुसार दया मेस्त्री आह अन्य तिघांच्या विरोधात गुन्हा दाखल करण्यात आला आहे.
