*कोंकण एक्सप्रेस*
*कणकवलीत रंगणार बालकांचा कलाविष्कार! नगराध्यक्ष संदेश पारकर यांच्या वाढदिवसानिमित्त १२ जुलैला भव्य चित्रकला स्पर्धा*
*कणकवली ः संजना हळदिवे*
नगराध्यक्ष संदेश पारकर यांच्या आगामी १४ जुलै रोजी होणाऱ्या वाढदिवसाचे औचित्य साधून ‘शहरविकास आघाडी, कणकवली’ यांच्या वतीने कणकवली शहर मर्यादित भव्य चित्रकला स्पर्धेचे आयोजन करण्यात आले आहे. या संपूर्ण स्पर्धेचे नेटके आयोजन आणि व्यवस्थापन शितल रामदास मांजरेकर यांच्या वतीने करण्यात येत आहे.
स्पर्धेचे ठिकाण आणि वेळ
दिनांक: रविवार, १२ जुलै २०२६
वेळ: सकाळी १०.०० ते दुपारी १.०० वाजेपर्यंत
ठिकाण: विद्यामंदिर प्रशाला, कणकवली
स्पर्धेचे गट (वयोगटानुसार वर्गवारी)
विद्यार्थ्यांच्या कलागुणांना वाव मिळावा यासाठी ही स्पर्धा एकूण चार गटांत विभागण्यात आली आहे:
१. पहिला गट: इयत्ता पहिली ते दुसरी
२. दुसरा गट: इयत्ता तिसरी ते चौथी
३. तिसरा गट: इयत्ता पाचवी ते सातवी
४. चौथा गट: इयत्ता आठवी ते दहावी
आकर्षक पारितोषिके
स्पर्धकांचा उत्साह वाढवण्यासाठी प्रत्येक गटातून प्रथम, द्वितीय, तृतीय आणि दोन उत्तेजनार्थ अशा एकूण पाच उत्कृष्ट विजेत्यांची निवड करण्यात येईल. सर्व विजेत्यांना आकर्षक पारितोषिके देऊन गौरविण्यात येणार आहे.
नाव नोंदणीसाठी आवाहन:
या स्पर्धेत सहभागी होऊ इच्छिणाऱ्या कणकवली शहरातील विद्यार्थ्यांनी आपली नावे आयोजक शितल रामदास मांजरेकर यांच्याकडे मोबाईल क्र. ८६००२९२९०४ वर संपर्क साधून नोंदवावीत, असे आवाहन आयोजकांच्या वतीने करण्यात आले आहे. जास्तीत जास्त विद्यार्थ्यांनी या स्पर्धेत सहभागी होऊन आपल्या कल्पकतेला रंग द्यावेत, असेही सांगण्यात आले आहे.
