*कोंकण एक्सप्रेस*
*तालुकास्तरीय वक्तृत्व स्पर्धेत सिंधुदुर्ग विद्या निकेतन इंग्लिश मिडीयम स्कूलचे सुयश*
*वेंगुर्ला : प्रतिनिधी*
शिक्षण विभाग,जिल्हा परिषद,सिंधुदुर्ग व पंचायत समिती वेंगुर्ला द्वारे दिनांक 10 व 11 डिसेंबर 2024 या कालावधी मध्ये तालुकास्तरीय विज्ञान प्रदर्शन आयोजित करण्यात आले होते.या विज्ञान प्रदर्शनांतर्गत आयोजित करण्यात आलेल्या वक्तृत्व स्पर्धेमध्ये प्राथमिक गटामध्ये सिंधुदुर्ग विद्या निकेतन इंग्लिश मिडीयम स्कूल, वेंगुर्ला या शाळेची इयत्ता सहावी मधील विद्यार्थिनी कु.सोनाक्षी समीर तेंडोलकर हिने तृतीय क्रमांक पटकावला.
तिच्या या यशाबद्दल संस्थेचे उपाध्यक्ष श्री.इर्शाद शेख,संचालक श्री. प्रशांत नेरूरकर,सचिव श्री.दत्तात्रय परुळेकर,शाळेच्या मुख्याध्यापिका सौ.मनिषा डिसोजा तसेच शिक्षक व शिक्षकेतर कर्मचारी यांनी अभिनंदन केले आहे.
