*कोकण Express*
*जिल्हास्तरीय शालेय बॅडमिंटन स्पर्धेत कनेडी हायस्कूलची चमक*
*दोन विद्यार्थ्यांची विभागीय स्तरावर निवड*
जिल्हास्तरीय शालेय बॅडमिंटन स्पर्धा सन २०२३ नुकतीच जिल्हा क्रीडा संकुल येथे संपन्न झाली. या स्पर्धेमध्ये कनेडी गट शिक्षण प्रसारक मंडळ, मुंबई संचलित माध्यमिक विद्यामंदिर कनेडी, श्री. मोहनराव मुरारीराव सावंत ज्युनि. काॅलेज ऑफ आर्ट्स ॲण्ड काॅमर्स, श्री. तुकाराम शिवराम सावंत ज्युनि. कॉलेज ऑफ सायन्स या प्रशालेतील दोन विद्यार्थ्यांनी उत्कृष्ट बॅडमिंटन कौशल्य दाखवून जिल्ह्याच्या संघात आपले नाव निश्चित केले आहे. सदर स्पर्धेमध्ये जिल्ह्यातील एकूण ३०० पेक्षा जास्त बॅडमिंटन खेळाडूंनी सहभाग घेतला होता. प्रशालेतील एकूण २ विद्यार्थी विभागीय स्पर्धेसाठी पात्र ठरले. सदर स्पर्धेत यशस्वी विद्यार्थी खालील प्रमाणे –
१४ वर्षाखालील मुले –
अथर्व सादये इ. ७वी
१७ वर्षाखालील मुली –
कु. गार्गी रामेश्वर सावंत इ. १०वी
सर्व यशस्वी विद्यार्थ्यांची सातारा येथे होणाऱ्या विभागीय शालेय कॅरम स्पर्धेसाठी निवड झाली आहे. सर्वांचे कनेडी गट शिक्षण प्रसारक मंडळ मुंबईचे अध्यक्ष सन्मा. श्री. सतीशजी सावंत व सर्व पदाधिकारी, शालेय समिती चेअरमन सन्मा. श्री. आर्. एच्. सावंत व सर्व सदस्य, प्रशाला मुख्याध्यापक तथा प्राचार्य सन्मा. श्री. सुमंत दळवी, पर्यवेक्षक श्री. बयाजी बुराण, सर्व शिक्षक व शिक्षकेतर कर्मचारी व विद्यार्थी यांनी अभिनंदन केले व विभागीय स्पर्धेसाठी शुभेच्छा दिल्या.
सर्व यशस्वी विद्यार्थ्यांना प्रशालेचे संस्कृत तथा इंग्रजी विषय शिक्षक व उत्कृष्ट बॅडमिंटन खेळाडू श्री. मकरंद आपटे व क्रीडा शिक्षक श्री. बयाजी बुराण यांचे मार्गदर्शन लाभले.
