*कोकण Express*
*कणकवली तहसील कार्यालयात उद्या राजकीय पक्षांची बैठक..*
*ग्रामपंचायत निडणूक आचासंहितेपूर्वी नियोजन; तहसिलदार आर.जे.पवार यांची माहिती..*
*कणकवली ः प्रतिनिधी*
कणकवली तालुक्यातील ग्रामपंचायत निवडणुकी संदर्भात उद्या १५ नोव्हेंबर रोजी सकाळी १०.३० वाजता सर्वच राजकीय पक्षांची बैठक आयोजित करण्यात आली आहे.या बैठकीत ग्रामपंचायत निवडणुकीच्या कार्यक्रमाची माहिती व आदर्श आचारसंहितेचे पालन
यासंदर्भात मार्गदर्शन करण्यात येणार असल्याची माहिती निवडणूक अधिकारी आर. जे. पवार यांनी दिली.
त्यासाठी सर्वच राजकीय पक्षांना पत्र देखील पाठवण्यात आले आहे. त्यामध्ये राज्य निवडणूक आयोग यांचे आदेशान्वये ग्रामपंचायत सार्वत्रिक निवडणूक २०२२ साठी निवडणूक कार्यक्रम जाहीर झालेला आहे. तरी संपूर्ण कणकवली तालुक्यामध्ये निवडणूक कार्यक्रम घोषीत झाल्याच्या दिनांकापासून निवडणूक आचारसंहिता लागू होईल. ही आचारसंहिता निवडणूकीचा निकाल जाहीर होईपर्यंत अंमलात राहील. सदर आचारसंहितेबाबत चर्चा व माहिती देण्यासाठी दिनांक १५ नोव्हेंबर रोजी सकाळी १०.३० वाजता तहसिलदार कार्यालय, कणकवली येथे सभा आयोजित करण्यात आली आहे. तरी सभेला सर्वांनी उपस्थित रहावे,असे आवाहन कणकवली निवडणूक अधिकारी तथा तहसिलदार आर .जे. पवार यांनी केले आहे
