*कोकण Express*
*मुंबईहून आलेल्या एस टी कर्मचाऱ्यांना तब्बल ३ तास स्वँब कलेक्शन सेंटरवर ठेवले ताटकळत….*
*एसटी वाहक व चालकाचां प्रशासना विरोधात तीव्र संताप*
*कणकवली ः प्रतिनिधी*
कोरोना महामारीत असल्यामुळे सिंधुदुर्गातील कर्मचारी मुंबईतील बेस्टची सेवा बजावण्यासाठी जात आहेत.कणकवली आगारातून ८० कर्मचाऱ्यांना मुंबईत बेस्टची सेवा बजावण्यासाठी पाठवण्यात आले होते. गेली १५ दिवस सेवा बजावून हे कर्मचारी रविवारी दुपारी १२ वाजता कणकवली शासकीय विश्रामगृह येथील स्वँब कलेक्शन सेंटर येथे आले होते.या ठिकाणी आल्यानंतर आरोग्य विभागाचे कर्मचारी नसल्याने एसटी प्रशासनाने त्यांना उद्या घेण्यासाठी या, असे सूचित केले.त्या वेळी संतप्त झालेल्या एसटी कर्मचाऱ्यांनी पहिल्यांदा स्वँब घ्यावेत.नाहीतर आमचा जीवितास धोका आहे, आमचे कुटुंबीयांना कोरोनाचा प्रादुर्भाव होऊ शकेल.त्यामुळे पहिल्यांदाच शोध घ्या अशी मागणी केली.
त्यानंतर एसटी प्रशासनाच्या मदतीने आरोग्य विभागाचे कर्मचारी आल्यानंतर स्वँब घेण्यात आले. या कालावधीत एसटी चालक व वाहक कर्मचाऱ्यांमध्ये तीव्र संतापाचे वातावरण निर्माण झाले होते.एसटी कर्मचाऱ्यांच्या असंतोष यानंतर एसटी प्रशासनाने सायंकाळी ४ वाजता भोजनाची व्यवस्था करण्यात आली. तोपर्यंत ते सर्व कर्मचारी ताटकळत बसले होते.काल रात्री १० वाजल्यापासून प्रवास करत मुंबई ते कणकवली ते आलेले आहेत. या सर्व घटनाक्रमामुळे कर्मचाऱ्यांमध्ये भीतीचे वातावरण निर्माण झाले आहे.
