*कोकण Express*
*तळेरेत व्यापारी बांधवांनी वाहीली जनरल बिपीन रावत यांना भावपूर्ण श्रद्धांजली!*
*कासार्डे ः संजय भोसले*
भारताचे सीडीएस(चिफ ऑफ डिफेन्स स्टाफ) जनरल बीपीन रावत यांच्यासह अन्य ११ अधिकारी बुधवारी तामिळनाडू कन्नूर येथे हेलिकॉप्टरच्या भीषण अपघातात ठार झाले. कालचा दिवस देशासाठी अतिशय दुःखद असून देश अतिशय बुद्धिमान आणि पराक्रमी वीरपुत्राला मुकला असल्याची भावना तळेरे व्यापारी संघटनेचे अध्यक्ष राजू जठार यांनी व्यक्त करीत या सर्व वीरसुपुत्रांना व्यापारी संघटना तळेरेच्यावतीने भावपूर्ण श्रद्धांजली वाहिली.
आदर्श व्यापारी संघटना तळेरेच्यावतीने सायंकाळी ७ वा. तळेरे येथे जनरल बिपीन रावत यांना श्रद्धांजली वाहण्यासाठी छोटेखानी कार्यक्रम आयोजित करण्यात आला होता. याप्रसंगी अध्यक्ष राजू जठार जनरल बिपीन रावत यांच्या कार्यावर प्रकाशझोत टाकताना बोलत होते. या प्रसंगी सिंधुदुर्ग जिल्हा व्यापारी महासंघाचे कोषाध्यक्ष जगदीश मोरजकर, अरविंद नेवाळकर तसेच तळेरे आदर्श व्यापारी संघटनेचे अध्यक्ष राजू जठार, उपाध्यक्ष बाबू कल्याणकर, प्रविण वरुणकर, बच्चू भांबुरे, माजी अध्यक्ष राजेंद्र पिसे, कुमार कल्याणकर, संतोष कल्याणकर, आप्पा कल्याणकर, आशिष पिसे, दादासाहेब महाडिक, बंड्या महाडिक, निलेश सोरप, नविन खटावकर, प्रमोद खरावकर, बाळा खटावकर, पूर्वा खटावकर, स्वरा डंबे, वासुदेव वाडेकर, संजय खानविलकर, नामदेव वाडेकर, बबलू भांबुरे, लक्ष्मीकांत कल्याणकर यांच्यासह बहुसंख्य व्यापारी बांधव उपस्थित होते. याप्रसंगी ‘अमर रहे अमर रहे बिपिन रावत अमर रहे!’, ‘वंदे मातरम्’, ‘भारत माता की जय!’ घोषणाही देण्यात आल्या.
