*कोंकण Express*
*कोल्हापूरात शाळेचे गेट कोसळून विद्यार्थ्याचा मृत्यू*
*कोल्हापूर : प्रतिनिधी*
महाराष्ट्रातील कोल्हापूर जिल्ह्यात एक भीषण अपघात घडला, ज्यात शाळेचे गेट कोसळून सहावीच्या विद्यार्थ्याचा मृत्यू झाला. कोल्हापुरातील करवीर तालुक्यातील केरळ गावातील हायस्कूलमध्ये ही घटना घडली.
मिळालेल्या माहितीनुसार शाळेत जात असताना अचानक शाळेचे जड लोखंडी गेट १२ वर्षीय विद्यार्थी स्वरूप माने यांच्या अंगावर पडले. व मुलाच्या डोक्याला फाटक लागून गंभीर दुखापत झाली. गेट गंजल्याने कमकुवत झाले असून, त्याची दुरुस्ती करण्याची गरज असल्याचे सांगण्यात येत आहे. यापूर्वीही शाळा व्यवस्थापनाकडे तक्रार केली होती, पण त्याकडे दुर्लक्ष करण्यात आले. तसेच जखमी स्वरूप माने यांना तातडीने कोल्हापूर येथील रुग्णालयात उपचारासाठी नेण्यात आले. पण, गंभीर दुखापतीमुळे डॉक्टर त्याला वाचवू शकले नाहीत आणि उपचार सुरू होण्यापूर्वीच त्याचा मृत्यू झाला.
या भीषण अपघातानंतर शाळा व्यवस्थापन आणि जबाबदार अधिकाऱ्यांच्या निष्काळजीपणावर प्रश्न उपस्थित होत आहे. शाळा प्रशासनाने अद्याप कोणतीही अधिकृत माहिती दिलेली नाही. स्थानिक प्रशासनाने या प्रकरणाची चौकशी सुरू केली आहे.
