*कलमठ मुस्लिमवाडी सह अनेक ग्रामस्थ भाजपमध्ये*
*आमदार नितेश राणे यांच्या उपस्थितीत प्रवेशकर्त्यांचे स्वागत*
*कणकवली ः प्रतिनिधी*
कणकवली तालुक्यातील कलमठ मुस्लिमवाडी सह गावातील अनेक शिवसेना कार्यकर्त्यांनीआमदार नितेश राणेंच्या उपस्थितीत भाजपामध्ये प्रवेश करत ग्रामपंचायत निवडणुकीच्या तोंडावर शिवसेना ठाकरे गटाला मोठा धक्का दिला आहे. कलमठ मुस्लिमवाडी येथील सोनू शेख, बाबूल शेख, विजय खरात, प्रवीण मोरे यांच्या नेतृत्वाखाली अनेकांनी शिवसेना ठाकरे गटाला रामराम केला. प्रवेशकर्त्यांचे आमदार नितेश राणे यांनी भाजपमध्ये स्वागत केले. कणकवली नगराध्यक्ष समीर नलावडे यांच्या माध्यमातून हा प्रवेश घडून आला. कलमठ मुस्लिमवाडी मधील अनेकांनी शिवसेना ठाकरे गटाला रामराम करत असताना विकासाच्या मुद्द्यावर भाजपमध्ये प्रवेश केल्याचे सांगितले. या प्रसंगी सोनू शेख, बाबुल शेख, प्रवीण मोरे, विजय खरात, अस्लम शहा, मजास खान, बाबू कदम, शाहरुख शहा, सुनील मोरे, सुखदेव वाघमारे, उमेरा शेख, असिरा शेख, परविन शहा, समीरा शेख, रुकसाना शेख, निखिल तांबे, विल्सन फर्नांडिस, मुशारीक शेख, हैदर शहा, दानिश खान, वैदेही खरात, विलायत खान, सलमान खान, बाबूलाल शेख, अफजल शेख, नागेश पवार, विलास सावंत, रोहन सावंत यांच्यासह तब्बल 60 जणांनी भाजपाचा झेंडा हाती घेतला. यावेळी भाजपा कार्यकर्त्यांनी जोरदार घोषणाबाजी करत भाजपा मध्ये त्यांचे स्वागत केले. याप्रसंगी माजी जिल्हा परिषद अध्यक्ष गोट्या सावंत, कणकवली नगराध्यक्ष समीर नलावडे, भाजपा तालुकाध्यक्ष मिलिंद मेस्त्री, ग्रामपंचायत सदस्य संदीप मेस्त्री, राजू गवाणकर आदि उपस्थित होते. आमदार नितेश राणे यांचे यावेळी प्रवेशकर्त्यांचे आभार मानले.
