*कोकण Express*
*मनसेचे अध्यक्ष राज ठाकरेंचा वाढदिवस कुडाळ मनसेकडून सामाजिक उपक्रमांनी साजरा*
*अणाव येथील अनाथ आश्रमास मदतकार्य तर उद्या वृक्षलागवड व वृक्षवाटप उपक्रम*
महाराष्ट्र नवनिर्माण सेनेचे संस्थापक अध्यक्ष श्री राज ठाकरे यांच्या आज दि 14 जून 2022 रोजी जन्मदिवस कुडाळ मनसेने विविध सामाजिक उपक्रमांचे आयोजन करत अणाव येथील आनंदाश्रमात साजरा केला. दरवर्षी मनसेकडून या दिवशी वेगवेगळे सामाजिक उपक्रम हाती घेऊन हा दिवस साजरा केला जातो. यावर्षी आश्रमातील वृद्धांच्या सहवासात मनसे पदाधिकाऱ्यांनी लाडू वाटप करून आश्रमास तांदूळ,गहू,डाळ आदी साहित्य मदत केली. यावेळी कुडाळ तालुकाध्यक्ष प्रसाद गावडे,विद्यार्थी सेना जिल्हाध्यक्ष कुणाल किनळेकर,उपतालुकाध्यक्ष दिपक गावडे,अणाव सरपंच आपा मांजरेकर, प्रसिद्धी प्रमुख गुरू मर्गज,विभाग अध्यक्ष सुंदर गावडे, अनिल कसालकर, शाखाध्यक्ष वैभव धुरी,अमोल जंगले आदी पदाधिकारी उपस्थित होते.वाढदिवसाचे औचित्य साधून उद्या वृक्षारोपण व शेतकऱ्यांना वृक्षवाटप मोहीम कुडाळ मनसेकडून नियोजित असून परवा दि 16 जून रोजी रक्तदान शिबिर आणि 17 जून रोजी प्राथमिक शालेय विद्यार्थ्यांना वह्या वाटप उपक्रम असल्याची माहिती कुडाळ तालुकाध्यक्ष प्रसाद गावडे यांनी दिली आहे.
