सिंधुदुर्ग राजाच्या आशीर्वादाने जिल्ह्याच्या विकासाची जबाबदारी प्रामाणिकपणे पार पाडणार

कोंकण एक्सप्रेस

सिंधुदुर्ग राजाच्या आशीर्वादाने जिल्ह्याच्या विकासाची जबाबदारी प्रामाणिकपणे पार पाडणार

पालकमंत्री ना. नितेश राणे यांनी कुडाळ येथे सिंधुदुर्ग राजाचे घेतले दर्शन

कुडाळ : प्रतिनिधी

सिंधुदुर्ग जिल्ह्याचे पालकमंत्री तथा राज्याचे मत्स्य व्यवसाय व बंदरे विकास मंत्री ना. नितेश राणे यांनी आज कुडाळ येथे सिंधुदुर्ग राजाचे मनोभावे दर्शन घेतले. सिंधुदुर्ग राजाच्या आशीर्वादाने खासदार नारायण राणे, आमदार निलेश राणे आणि आपण स्वतः सिंधुदुर्ग जिल्ह्याचा पालकमंत्री म्हणून जनसेवेची जबाबदारी पार पाडत असल्याचे सांगितले. यावेळी ते माध्यमांशी बोलत होते.

यावेळी काका कुडाळकर, संजय पडते, विनायक राणे, देवेंद्र नाईक, सचिन काळप, आबा धाडम, प्रसन्ना गंगावणे, राजवीर पाटील, सुनील बांदेकर, निलेश परब, सिताराम तेली, रुपेश कानडे आणि बंड्या सावंत यांच्यासह भाजप-शिवसेना पक्षाचे पदाधिकारी व कार्यकर्ते मोठ्या संख्येने उपस्थित होते.

पुढे ना. नितेश राणे म्हणाले, सिंधुदुर्ग राजाच्या आशीर्वादामुळेच आमच्या यशामध्ये मोठे योगदान आहे. सिंधुदुर्गच्या राजाने आमच्यावर जबाबदारी सोपविली असून जिल्ह्यातील जनतेला सुखी व समृद्ध ठेवणे, तसेच जिल्ह्यातील तरुणांच्या हाताला रोजगार मिळवून देणे, ही जबाबदारी प्रामाणिकपणे पूर्ण करण्याचा प्रयत्न आपण करत असल्याचे ना. नितेश राणे यांनी सांगितले.