भाजपच्या संघटनबांधणीला वेग; 263-दापोली-मंडणगड-खेड चिंतन बैठकीत प्रमोद जठारांचा कार्यकर्त्यांना थेट ॲक्शन प्लॅन

*कोंकण एक्सप्रेस*

*भाजपच्या संघटनबांधणीला वेग; 263-दापोली-मंडणगड-खेड चिंतन बैठकीत प्रमोद जठारांचा कार्यकर्त्यांना थेट ॲक्शन प्लॅन*

*आमदार प्रमोद जठारांचा कार्यकर्त्यांना ‘गाव तिथे बैठक’ चा मंत्र!*

*दापोली : प्रतिनिधी*

भारतीय जनता पार्टीच्या 263-दापोली-मंडणगड-खेड विधानसभा मतदारसंघाची चिंतन बैठक उत्साहात संपन्न झाली. या बैठकीत आगामी काळातील संघटनात्मक कामकाज, पक्षाचा जनसंपर्क आणि विविध सेवा उपक्रमांबाबत पदाधिकारी व कार्यकर्त्यांशी सविस्तर चर्चा करण्यात आली.

यावेळी आमदार प्रमोद जठार यांनी पदाधिकारी व कार्यकर्त्यांना मार्गदर्शन करत पक्ष संघटना अधिक मजबूत करण्यासाठी ‘सेवा संकल्प अभियान’, ‘गाव तिथे बैठक’ आणि ‘मन की बात’ हे उपक्रम प्रभावीपणे राबविण्याचे आवाहन केले. प्रत्येक गावापर्यंत पक्षाचे संघटन पोहोचवून नागरिकांशी सातत्याने संपर्क ठेवण्यावर त्यांनी भर दिला.

गावागावात बैठका घेऊन स्थानिक प्रश्न समजून घेणे, नागरिकांशी संवाद वाढवणे आणि केंद्र व राज्य सरकारच्या विविध योजनांची माहिती जनतेपर्यंत पोहोचवणे यासाठी पदाधिकारी व कार्यकर्त्यांनी सक्रियपणे काम करावे, असे आवाहनही आमदार जठार यांनी केले.

या चिंतन बैठकीला रत्नागिरी उत्तर जिल्हाध्यक्ष सतीश मोरे, महिला मोर्चा अध्यक्षा सौ. स्मिता जावकर, माजी जिल्हाध्यक्ष केदारजी साठे, भाजपा नेते व खेडचे माजी नगराध्यक्ष वैभवजी खेडेकर, सरचिटणीस अक्षयजी फाटक, वसंतजी ताम्हणकर, दापोली पंचायत समिती सदस्य भाऊ इदाते, दापोली शहर मंडल अध्यक्ष व नगरसेविका जया ताई साळवी, दापोली ग्रामीण अध्यक्ष सचिनजी होडबे, खेड उत्तर मंडल अध्यक्ष ऋषिकेश मोरे, खेड नगरपालिका नगरसेविका सौ. वैभवी खेडेकर यांच्यासह मोठ्या संख्येने पदाधिकारी व कार्यकर्ते उपस्थित होते.

बैठकीत आगामी काळातील संघटनात्मक उपक्रम अधिक प्रभावीपणे राबवून दापोली-मंडणगड-खेड विधानसभा मतदारसंघात भाजपची संघटनात्मक ताकद आणखी वाढविण्याचा निर्धार करण्यात आला.