*कोकण Express*
*रुग्णवाहिका चालकाच्याच हस्ते उदघाटन, शिरगाववासियांचा नवीन आदर्श*
*शिरगाव ःः अनिकेत तर्फे*
शिरगाव प्रा.आ. केंद्र ला शासनाकडून वतीने प्राप्त झालेल्या नवीन रुग्णवाहिके ला पार्किंग साठी शेड नव्हती.यासाठी शिरगाव मधील सर्व ग्रामस्थांना आवाहन करण्यात आले होते त्याला प्रत्येकाने सकारात्मक साथ देत अपेक्षित खर्चा एवढे पुरेशे पैसे जमा केलेत. गावातील सर्वांच्या एकविचाराने आणि एकजुटीतून आपण कोणतेही लक्ष साध्य करू शकतो हे ग्रामस्थांनी दाखवून दिले.सर्वांच्या सहकार्याने शिरगाव प्रा. आ केंद्र येथील रुग्णवाहिका पार्किंग शेडचे काम पूर्ण झाले आहे.शनिवार दि.१० जुलै रोजी सकाळी १० वा. ऍम्ब्युलन्सचे चालक श्री. उघाडे यांच्या हस्ते कोव्हिडचे नियम पाळून पार्किंग शेडचे उद्धघाटन केले. गाडीची जास्तीत जास्त काळजी घेतली जावी म्हणून रुग्णवाहिका चालकाच्याच हस्ते उदघाटन करून चालकांचा शिरगाव वासीयांनी सन्मान केला आहे. यावेळी मोठ्यासंख्येने ग्रामस्थ उपस्थित होते.
