*कोकण Express*
*सरकार विरोधात देवगड मध्ये भाजप च आंदोलन*
*आठ दिवसात देवगड मध्ये ऑक्सीजन प्लांट उभा करू पालकमंत्री उदय सामंत दिलेला शब्द पूर्ण करा*
*देवगड ः प्रतिनिधी (अनिकेत तर्फे)*
सिंधुदुर्ग रेड झोन मध्ये असून आरोग्य यंत्रणेवर सरकार लक्ष नसल्याकारणाने देवगड तालुका भारतीय जनता पार्टी च्या वतीने देवगड ग्रामीण रुग्णालयासमो आंदोलन करण्यात आलं. या वेळी सरकार विरोधात घोषणा देण्यात आल्या ,” सिंधुदुर्ग रेड झोन मध्ये पालकमंत्री सेफ झोन मध्ये” अशा घोषणा देऊन पालकमंत्राचा निषेध करण्यात आला.
आठ दिवसात ऑक्सिजन प्लांट देवगड मध्ये उभा करु असे पालकमंत्री उदय सामंत यांनी सांगितले मात्र दोन महिने पूर्ण झाले तरी अद्याप ऑक्सीजन प्लांट तर सोडाच देवगड तालुक्यात आरोग्य विभागात रिक्त असलेल्या जागा देखील भरण्यात आलेल्या नाहीत. याच्याच निषेधार्थ देवगड तालुका भाजपच्या वतीने आरोग्य विभागाकडे शासनाचे लक्ष वेधण्यासाठी लक्षवेधी आंदोलन करण्यात आले.
यावेळी माजी आमदार अँड अजित गोगटे भाजपा जिल्हा सरचिटणीस जयदेव कदम बाळा खडपे, नगराध्यक्षा सौ प्रियांका साळसकर, उपनगराध्यक्ष राजेंद्र वालकर तालुकाध्यक्ष संतोष किंजवडेकर, उपसभापती रवींद्र तिर्लॉटकर, शिक्षण व आरोग्य सभापती संजय तारकर नगरसेवक योगेश चांदोसकर, सुभाष धुरी, नगरसेविका प्राजक्ता घाडी आदी भाजपा पदाधिकारी कार्यकर्ते उपस्थित होते.
