*कोकण Express*
*कणकवलीतील विकासकामांसाठी शिवसेनेच्या माध्यमातून ३५ लाखांचा निधी मंजूर*
*नगरपंचायत विरोधी गटनेते सुशांत नाईक यांची माहिती*
*कणकवली ः प्रतिनिधी*
शिवसेनेच्या माध्यमातून कणकवली शहरातील विविध वैशिष्ट्यपूर्ण विकास कामासाठी विशेष अनुदान योजनेतून ३५ लाखांचा निधी मंजूर करण्यात आल्याची माहिती न. प. विरोधी गटनेते सुशांत नाईक यांनी दिली. खासदार विनायक राऊत, पालकमंत्री उदय सामंत यांच्या माध्यमातून हा निधी मंजूर करण्यात आला आहे. कणकवली शहरातील पाच विकासकामांचा या योजनेतून मंजूर करणाऱ्या करण्यात आलेल्या निधीमध्ये समावेश असून या कामांसाठी गेले काही महिने शिवसेनेच्या माध्यमातून पाठपुरावा करण्यात आला होता. शिवसेनेचे नगरसेवक व पदाधिकाऱ्यांकडे स्थानिक जनतेकडून करण्यात आलेल्या मागणीनुसार खासदार विनायक राऊत पालकमंत्री उदय सामंत यांच्या माध्यमातून या कामांसाठी निधी मंजूर करण्यात आल्याची माहिती नाईक यांनी दिली.
