*कोकण Express*
*शहरात आणखी एक कोवीड लसीकरण केंद्र सुरू करावे*
*शिवसेनेची प्रांताधिकारी यांच्याकडे मागणी*
*कणकवली/ प्रतिनिधी*
येथील उपजिल्हा रुग्णालयात कोवीड लसीकरणासाठी मोठी गर्दी होत असल्यामुळे शहरातील कोरोना लसीकरणासाठी कणकवली कॉलेजमध्ये आणखी एक लसीकरण केंद्र सुरू करावे, अशी मागणी शहर शिवसेनेच्यावतीने प्रांताधिकारी वैशाली राजमाने यांच्याकडे करण्यात आली.
शिवसेना नगरसेवक, गटनेते सुशांत नाईक, कन्हैया पारकर, शहर प्रमुख शेखर राणे आदींनी याबाबतची मागणी केली आहे. यावेळी तहसीलदार आर. जे. पवार, तालुका आरोग्य अधिकारी डॉ. संजय पोळ उपस्थित होते.
उपजिल्हा रुग्णालयात कोरोना लसीकरणासाठी नागरिक गर्दी करतात. त्यामुळे सोशल डिस्टन्सचे पालन करणेही शक्य होत नाही. शहरात उपजिल्हा रुग्णालय हे एकच लसीकरण केंद्र असल्यामुळे मोठी गर्दी होत आहे. त्यामुळे वाढती गर्दी विभागण्यासाठी शहरात कणकवली कॉलेजमध्ये आणखी लसीकरण केंद्र मंजूर करावे, अशी मागणी शहर शिवसेनेच्यावतीने करण्यात आली.
लसीकरणासाठी आलेल्या नागरिकांना कॉलेजच्या वर्गखोल्यांमध्ये बसवून ठेवण्याची व्यवस्था करता येईल. त्यामुळे नागरिकांचा उन्हात उभे राहण्याचा त्रासही वाचेल, अशी सूचना नगरसेवक कन्हैया पारकर यांनी केली. आरोग्य विभागाशी चर्चा करून याबाबत तात्काळ निर्णय घेण्याचे प्रांताधिकाऱ्यांनी आश्वासन दिले. यावेळी विधानसभा संघटक सचिन सावंत, राजू शेट्ये, राजू राठोड, उमेश वाळके, रिमेश चव्हाण, तेजस राणे, अमित मयेकर, राजन म्हाडगुत आदी उपस्थित होते.
