*कोंकण एक्सप्रेस*
*फोंडाघाटमध्ये मराठी नववर्षाचे जंगी स्वागत; भव्य ‘शोभायात्रा’ आणि सांस्कृतिक उत्सवाचे आयोजन*
*फोंडाघाट ः संजना हळदिवे*
हिंदू संस्कृतीतील अत्यंत महत्त्वाचा सण आणि मराठी नववर्षाचा प्रारंभ म्हणजेच ‘गुढीपाडवा’. या शुभमुहूर्ताचे स्वागत करण्यासाठी दरवर्षीप्रमाणे यंदाही फोंडाघाट येथे भव्य ‘स्वागत शोभायात्रेचे’ आयोजन करण्यात आले आहे.
मराठी अस्मिता आणि परंपरेचे जतन करण्याच्या उद्देशाने आयोजित या शोभायात्रेत सहभागी होण्यासाठी समस्त फोंडाघाटवासीयांमध्ये प्रचंड उत्साह पाहायला मिळत आहे.
पारंपरिक वेशभूषेचे आकर्षण
या शोभायात्रेचे मुख्य वैशिष्ट्य म्हणजे यात सहभागी होणारे ग्रामस्थ आणि महिला. आयोजकांतर्फे सर्व महिलांना आणि ग्रामस्थांना पारंपरिक वेशभूषा (उदा. नऊवारी साडी, फेटा) परिधान करून सहभागी होण्याचे आवाहन करण्यात आले आहे. ढोल-ताशांचा गजर आणि लेझीम पथकांच्या निनादात ही यात्रा फोंडाघाटच्या मुख्य मार्गावरून मार्गस्थ होईल.
कार्यक्रमाचा तपशील:
दिनांक: गुरुवार, १९ मार्च २०२६
मार्ग: उगवाई कॉम्प्लेक्स ते मारुतीवाडी
वेळ: सायंकाळी ठीक ५:०० वाजता (एकत्र जमणे)
प्रारंभ: सायंकाळी ५:३० वाजता शोभायात्रेचा शुभारंभ होईल.
ग्रामस्थांना नम्र विनंती: शोभायात्रा वेळेत सुरू होणार असल्याने सर्व भाविकांनी आणि नागरिकांनी वेळेवर उपस्थित राहून या सोहळ्याची शोभा वाढवावी.
