*कोंकण एक्सप्रेस*
*शेतकरी परदेशी अभ्यास दौर्यासाठी गणपत चव्हाण यांची युरोपसाठी निवड*
*कणकवली ः संजना हळदिवे*
राज्य कृषी विभागामार्फत आयोजित यंदाच्या शेतकरी परदेशी अभ्यास दौर्यासाठी सिंधुदुर्गातील शेतकरी चळवळीतील ज्येष्ठ पत्रकार गणपत उर्फ भाई चव्हाण यांची युरोप गट दौर्यासाठी निवड झाली आहे. १५ ते २८ फेब्रुवारी २६ असा हा एकूण १४ दिवसांचा अभ्यास दौरा आहे.
या परदेशी अभ्यास दौर्यासाठी ६ गटांमध्ये राज्यातील एकूण १८० शेतकर्यांची निवड झाली होती. यापैकी युरोप दौर्रासाठी राज्यातील ५५ शेतकर्यांनी अर्ज दाखल केले होते. पैकी ४१ शेतकर्यांनी स्वारस्य दाखविले. युरोप व्हिसा प्रक्रिया पूर्ण झाल्यावर या ४१ शेतकर्यांची अंतिम निवड युरोप दौर्यासाठी झाली आहे.
या दौर्यामध्ये युरोप समुहातील फ्रान्स, स्विझर्लड, जर्मनी आणि नेदरलँड्स या देशांतील आधुनिक तंत्रज्ञानांवर आधारित फलोत्पादन, दुग्धोत्पादन, पक्रिया, बीज पक्रिया आदींशी संबंधित मान्यवर विद्यापीठांना भेटी देऊन माहिती घेण्यात येणार आहे. कृषी विभागाने या परदेशी दौर्यांतील ज्ञानाचा उपयोग संबंधित शेतकर्यांनी आपापल्या भागातील शेतकऱ्यांना करुन देण्याच्या उद्देशाने ६ परदेशी गटांमधून या दौर्याची आखणी केली आहे. या दौर्यामध्ये सिंधुदुर्ग जिल्ह्यातील एकूण ५ शेतकर्यांची वेगवेगळ्या गटांतून निवड झाली आहे. यापैकी काही शेतकरी गट या अभ्यास दौर्यासाठी यापुर्वीच रवाना झाले आहे
