*कोंकण एक्सप्रेस*
*डॉ. व्ही. एन. सूर्यवंशी यांच्याकडे मत्स्यव्यवसाय आयुक्तपदाचा अतिरिक्त कार्यभार*
*मुंबई*
महाराष्ट्र राज्य शासनाने प्रशासकीय पातळीवर महत्त्वाचा निर्णय घेतला असून, कोकण विभागाचे विभागीय आयुक्त डॉ. व्ही. एन. सूर्यवंशी (IAS) यांच्याकडे आता मत्स्यव्यवसाय आयुक्त (मुंबई) या पदाचा अतिरिक्त कार्यभार सोपवण्यात आला आहे.
तातडीने पदभार स्वीकारण्याचे आदेश: सामान्य प्रशासन विभागाने शुक्रवारी (२३ जानेवारी २०२६) यासंदर्भातील अधिकृत आदेश जारी केले आहेत. डॉ. सूर्यवंशी हे श्री. प्रदीप पी. (IAS) यांच्याकडून या पदाची सूत्रे स्वीकारतील.पुढील आदेशापर्यंत नियुक्ती: शासनाचे सहसचिव सुभाष उमराणीकर यांच्या स्वाक्षरीने हे पत्र निर्गमित करण्यात आले असून, पुढील आदेश येईपर्यंत सूर्यवंशी यांच्याकडे ही जबाबदारी राहील.
मत्स्यव्यवसाय क्षेत्रातील प्रलंबित प्रश्न आणि कोकण किनारपट्टीवरील मत्स्यव्यवसायाचे नियोजन पाहता, डॉ. सूर्यवंशी यांची ही नियुक्ती अत्यंत महत्त्वाची मानली जात आहे.
