*कोंकण एक्सप्रेस*
*खुल्या व्हॉलीबॉल स्पर्धेत साई स्पोर्टस वेंगुर्ला विजेता*
*वेंगुर्ला प्रतिनिधी – प्रथमेष गुरव*
वेंगुर्ला येथील कॅम्प मैदानावर दोन दिवशीय पार पडलेल्या खुल्या व्हॉलीबॉल स्पर्धेत साई स्पोर्टस वेंगुर्ला याने प्रतिस्पर्धी संघ युथ क्लब नवाबाग या संघाचा २५-२२, २५-१७ अशा सेटने पराभव करीत विजेता ठरला तर युथ क्लब नवाबाग या संघाला उपविजेता पदावर समाधान मानावे लागले.
भारतीय जनता पार्टीचे युवा नेते विशाल परब यांच्या वाढदिवसानिमित्त, भारतीय जनता पार्टी, सिंधुदुर्ग आणि जय मानसीश्वर मित्रमंडळ, वेंगुर्ला यांच्या संयुक्त विद्यमाने कॅम्प मैदानावर आयोजित करण्यात आलेल्या भव्य खुल्या व्हॉलीबॉल स्पर्धेत महाराष्ट्र राज्यसहीत, गोवा, केरळ, कर्नाटक, बेंगलोर आदी भागातील खेळाडूंचे २० संघ सहभागी झाले होते. स्पर्धेचे उद्घाटन युवा नेते विशाल परब यांच्या हस्ते झाले. यावेळी भाजपाचे जिल्हा उपाध्यक्ष प्रसन्ना देसाई, जिल्हा सदस्य सुहास गवंडळकर, प्रा.आनंद बांदेकर, तुळस माजी सरपंच विजय रेडकर, भाजपा महिला तालुका अध्यक्ष सुजाता पडवळ, तालुका सरचिटणीस वसंत तांडेल, भाजपा युवा मोर्चा जिल्हा उपाध्यक्ष हेमंत गावडे, तालुका उपाध्यक्ष प्रितम सावंत, शिरोडा माजी सरपंच मनोज उगवेकर, युवामोर्चा तालुकाध्यक्ष प्रणव वायंगणकर, सुधीर पालयेकर, समीर कुडाळकर, मनोहर तांडेल, आकांशा परब, सचिन शेट्ये, नामदेव सरमळकर, प्रार्थना हळदणकर, दीपेश केरकर, सुशील परब, आबा कांबळी, रूपेश नवार, निकीत राऊळ, माजी सरपंच सोमकांत सावंत, वेंगुर्ला हायस्कूलचे मुख्याध्यापक एस. एल. बिडिकर, भूषण सारंग, प्रमोद गोळम, राष्ट्रीय पंच अनिल जगदाळे आणि मोहन मालवणकर आदी उपस्थित होते.
सलग दोन दिवस चाललेल्या या खुल्या व्हॉलीबॉल स्पर्धेत वेंगुर्ल्यातील साई स्पोर्टस संघाने विजेते पदासह रोख रूपये ३० हजारचे बक्षिस व आकर्षक चषक तर युथ क्लब नवाबाग संघाने विजेतेपदासह रोख रू २० हजारचे पारितोषिकासह आकर्षक चषक पटकाविला. या स्पर्धेत तृतीय क्रमांक जय मानसीश्वर संघ ‘अ‘ तर चतुर्थ क्रमांक जय मानसीश्वर संघ ‘ब‘ यांनी पटकाविले असून या दोन्ही संघांना प्रत्येकी ७ हजार रूपयांचे पारितोषिक व चषक देण्यात आले. या स्पर्धेत बेस्ट अँटॅकर म्हणून जेसू, बेस्ट सेटर म्हणून जीवन पवार, बेस्ट लिबेरो म्हणून सौरभ मांजरे, बेस्ट प्लेअर ऑफ द टुर्नामेंट म्हणून संकेत पाटील यांना घोषित करून त्यांना वैयक्तीक पारितीषके व चषक प्रदान करण्यात आले.
या स्पर्धेसाठी पंच म्हणून राधाककृष्ण पेडणेकर, प्रा. हेमंत गावडे, चारू वेंगुर्लेकर, ओंकार पाटकर, अजित जगदाळे, ओंकार पोयरेकर, राज चोडणकर यांनी तर समालोचनाचे काम जयेश परब व सचिन सावंत यांनी पाहिले.
या स्पर्धेचे बक्षीस वितरण महाराष्ट्र राज्य व्हॉलिबॉल असोसिएशन झोनल सेक्रेटरी निलेश चमणकर यांच्या हस्ते झाले. यावेळी युवा मोर्चा जिल्हा उपाध्यक्ष हेमंत गावडे, युवा मोर्चा तालुका उपाध्यक्ष प्रितम सावंत, सचिन शेट्ये, रियाज मुल्ला, बबलू कुबल, राष्ट्रीय पंच अजित जगदाळे, ओंकार पोयरेकर, राज चोडणकर, केरकर, संघ मालक साईप्रसाद भोई, पांडुरंग खडपकर, सॅमसन फर्नाडिस, संदीप शेटये आदी उपस्थित होते. जय मानसीश्वर संघाच्यावतीने विशाल परब यांचा शाल, श्रीफळ, छत्रपती शिवाजी महाराज प्रतिमा देऊन सत्कार करण्यात आला.
