*कोंकण एक्सप्रेस*
*गोविंद नाईकचा जिल्हास्तरीय गोळा फेक स्पर्धेत सुवर्णवेध!*
*करुणा सदन स्कूल, साटेली भेडशीचा विद्यार्थी विभागीय स्पर्धेसाठी पात्र..*
*दोडामार्ग: शुभम गवस*
करुणा सदन स्कूल साटेली भेडशीचा विद्यार्थी कु. गोविंद संजय नाईक (रा- बोडदे) याने नुकत्याच झालेल्या जिल्हास्तरीय शालेय क्रीडा स्पर्धेत (District Level School Sports Competition) ऐतिहासिक आणि दैदीप्यमान यश संपादन केले आहे. १७ वर्षांखालील (Under 17) मुलांच्या गटात गोळा फेक (Shot put) या क्रीडा प्रकारात गोविंद नाईकने प्रथम क्रमांक पटकावून शाळेचे व दोडामार्ग तालुक्याचे नाव उंचावले आहे.
गोविंदच्या या महान यशात क्रीडा शिक्षक प्रवीण केसरकर व प्रिन्सिपल शबीना यांचे मोलाचे मार्गदर्शन लाभले. त्यांच्या अथक प्रयत्नातून गोविंदने जिल्हास्तरीय स्पर्धेतील आव्हान यशस्वीपणे पार पाडले.
या दैदीप्यमान कामगिरीमुळे गोविंद नाईक याची आता पुढे होणाऱ्या विभागीय स्पर्धेसाठी (Divisional Competition) निवड झाली आहे. त्याच्या या अभूतपूर्व यशाबद्दल करुणा सदन स्कूलच्या प्रिन्सिपल यांनी त्याचे, मार्गदर्शक शिक्षकांचे व पालकांचे अभिनंदन केले आहे. तसेच, विभागीय स्पर्धेसाठी सर्व स्तरातून त्याला शुभेच्छा देण्यात येत आहेत.
