*कोंकण एक्सप्रेस*
*फोटोग्राफर असोसिएशन कणकवलीवतीने जागतिक छायाचित्र दिनानिमित्त कार्यक्रम*
*प्रदर्शनाला भेट द्यावी , फोटोग्राफर असोसिएशनचे आवाहन*
*कणकवली ः प्रतिनिधी*
फोटोग्राफर असोसिएशन कणकवली आणि रोटरी क्लब ऑफ कणकवली सेंट्रल यांच्या संयुक्त विद्यमाने मंगळवार १९ ऑगस्ट २०२५ रोजी जागतिक छायाचित्र दिन एचपीसीएल सभागृह कणकवली कॉलेज कणकवली येथे आयोजित करण्यात आला आहे.या कार्यक्रमाचे उद्घाटन १९ ऑगस्ट २०२५ रोजी सकाळी ठीक १० वाजता करण्यात येणार आहे.
या कार्यक्रमाला कणकवली पत्रकार संघाचे अध्यक्ष भगवान लोके, कणकवली शिक्षण प्रसारक मंडळाचे सेक्रेटरी विजयकुमार वळंजू, रोटरी क्लबचे अध्यक्ष ॲड . राजेंद्र रावराणे, कणकवली कॉलेजचे प्राचार्य श्री. महालिंगे आदी मान्यवर उपस्थित राहणार आहेत.
सकाळी १० वाजल्यापासून सायंकाळी ५ वाजेपर्यंत मोबाईल फोटोग्राफी स्पर्धेच्या आपलं कोंकण या स्पर्धेचे फोटो प्रदर्शन भरविण्यात येणार आहे.
तरी या कार्यक्रमाला व प्रदर्शनाला सर्वांनी उपस्थित रहावे व प्रदर्शनाला भेट द्यावी असे आवाहन फोटोग्राफर असोसिएशन कणकवली चे अध्यक्ष विनायक पारधिये व संघटनेच्या सर्व सभासदांच्या मार्फत करण्यात आले आहे.
