*कोंकण एक्स्प्रेस*
*”रेड सॉईल स्टोरीज” फेम शिरीष गवस यांचे निधन*
अर्ध्यावरती डाव मोडला. रेड सोईल स्टोरीज फेम शिरीष गवस , वय 32 वर्षे यांचे गोवा बांबोळी येथील रुग्णालयात उपचारादरम्यान निधन झाले. त्यांच्या ब्रेन ट्यूमरवर गेले पंधरा दिवस तेथे उपचार सुरू होते . मुंबई येथील नोकरी व्यवसाय सोडून सिंधुदुर्ग मध्ये शिरीष आणि पूजा गवस स्थायिक झाले होते. कोकण खाद्य संस्कृती, सण, रूढी-परंपरा या गोष्टी रेड सॉईल स्टोरीजच्या माध्यमातून जगापुढे आणत होते. त्यांना यासाठी कोकण सन्मान सह अनेक पुरस्कार प्राप्त झाले होते. सेवानिवृत्त निवासी नायब तहसीलदार सत्यवान गवस यांचे ते पुत्र होत. पत्रकार विजय गांवकर यांच्या पुतणीचे ते पती होत. त्यांच्या पश्चात आई, बाबा, पत्नी, बहीण आणि मुलगी आहे. रेड सॉईल स्टोरीजच्या माध्यमातून शिरीष आणि पूजाचा सुखी संसाराचा डाव अर्ध्यावर मोडला , अशी भावना शोकाकुलपणे सर्वत्र व्यक्त होत आहे .
