*कोंकण एक्सप्रेस*
*शिवसेना पक्ष नेहमी विद्यार्थ्यांसोबत असेल…*
*संजू परबांची ग्वाही; शिवसेनेतर्फे गुणवंत विद्यार्थ्यांचा सत्कार….*
*दोडामार्ग: शुभम गवस*
विद्यार्थ्यांनी जे प्रावीण्य मिळवले आहे ते खरोखर स्तुत्य असून, सर्वांचे शिवसेना पक्षाच्या वतीने अभिनंदन करत आहोत. तुमच्या पुढील शैक्षणिक वाटचालीत अजून मोठे यश संपादन करावे. आमचा शिवसेना पक्ष नेहमी तुमच्या सोबत असेल, अशी ग्वाही शिवसेना जिल्हाध्यक्ष संजू परब यांनी केले. आमदार दीपक केसरकर यांच्या वाढदिवसानिमित्त शिवसेना पक्षाच्या वतीने दहावी आणि बारावीतील गुणवंत विद्यार्थ्यांचा सत्कार सोहळा आयोजित करण्यात आला होता. यावेळी ते बोलत होते.
यावेळी व्यासपीठावर सावंतवाडी विधानसभा मतदारसंघ प्रमुख प्रेमानंद देसाई, तालुकाध्यक्ष गणेशप्रसाद गवस, युवासेना तालुकाप्रमुख भगवान गवस, उपतालुकाप्रमुख तिलकांचन गवस, सेवानिवृत्त मुख्याध्यापक संतोष घोगळे, कोलझर सरपंच सेजल गवस, आयनोडे सरगवे पुनर्वसन सरपंच श्रद्धा देसाई, विभागप्रमुख बबलू पांगम, तालुका संघटक गोपाळ गवस, महिला तालुकाप्रमुख चेतना गडेकर यांसह नंदू टोपले, रामदास मेस्त्री, सूर्यकांत गवस, गुरूदास सावंत, संदीप गवस, विनायक शेटये, मायकल लोबो, मनिषा गवस, शितल हरमळकर, दिव्या दळवी, रसिका गावडे, सुजाता मनेरकर, सुजल गवस, रेखा लोंढे, लक्ष्मी करमळकर, हर्षा टोपले, लाडू आयनोडकर आदी उपस्थित होते.
यावेळी श्री. परब पुढे म्हणाले की, आमचे मतदार संघाचे आमदार दीपक केसरकर हे नेहमी आपल्या विद्यार्थ्यांचा विचार करून त्यांच्या पाठीवर कौतुकाची थाप देत असतात. यापुढेही त्यांचे कार्य असेच शिवसेनेच्या माध्यमातून सुरूच राहणार आहे. ज्या विद्यार्थ्यांनी यश मिळवले आहे त्यांनी असेच आपल्या शैक्षणिक कारकिर्दीत पुढे जात राहावे व आपल्या तालुक्याचे आणि जिल्ह्याचे नाव उज्वल करावे, असे आवाहन श्री. परब यांनी यावेळी उपस्थित विद्यार्थ्यांना केले. तसेच प्रेमानंद देसाई, गणेशप्रसाद गवस, तिलकांचन गवस, संतोष घोगळे आणि पालक तथा मोर्ले गावाचे माजी सरपंच सुजाता मणेरीकर यांनीही विद्यार्थ्यांना मार्गदर्शन केले. या कार्यक्रमाचे सूत्रसंचालन गोपाळ गवस यांनी केले. यावेळी विद्यार्थ्यांची व पालकांची मोठी उपस्थिती होती.
