*कोंकण एक्सप्रेस*
*प्रतिकूल परिस्थितीशी झुंज देत कसाल येथील प्रथमेश जोशी याचे एमपीएससी परीक्षेत उज्वल यश*
*कसाल शिवसेना उद्धव बाळासाहेब ठाकरे पक्षाच्या वतीने उद्या प्रथमेश जोशी याचा सत्कार*
*कुडाळ ः प्रतिनिधी*
कसाल वजरीवाडी येथील प्रथमेश उमेश जोशी याने एमपीएससी परीक्षेत उर्तीर्ण होऊन उज्वल यश संपादन केले आहे. आई वडील हयात नसताना नशिबी आलेल्या प्रतिकूल परिस्थितीशी झुंज देत,जिद्द आणि चिकाटीने कठोर परिश्रम करून त्याने मिळविलेले यश कौतुकास पात्र ठरले आहे. प्रथमेश जोशी याने मिळविलेल्या या यशाबद्दल कसाल शिवसेना उद्धव बाळासाहेब ठाकरे पक्षाच्या वतीने माजी आमदार वैभव नाईक, माजी आमदार राजन तेली,माजी आमदार परशुराम उपरकर, कणकवली विधानसभा प्रमुख सतीश सावंत,उपजिल्हाप्रमुख अमरसेन सावंत, कुडाळ तालुकाप्रमुख राजन नाईक यांच्या हस्ते उद्या गुरुवार दि. २४/०४/२०२५ रोजी दुपारी ३.३० वाजता कसाल वजरीवाडी येथील प्रथमेशच्या निवासस्थानी त्याचा सत्कार करण्यात येणार आहे. तरी याप्रसंगी सर्व शिवसैनिकांनी उपस्थित रहावे असे आवाहन, शिवसेना उपतालुकाप्रमुख सचिन कदम, शिवसेना सामाजिक कार्यकर्ते अवधूत मालणकर, ओरोस विभागप्रमुख नागेश ओरोसकर यांनी केले आहे.
