*कोंकण एक्सप्रेस*
*खारेपाटण येथे नदीत बुडून युवकाचा मृत्यू*
*कणकवली ः प्रतिनिधी*
खारेपाटण येथील शुकनदीत आघोळीसाठी उतरलेल्या युवकाचा बुडून मृत्यू झाला. दिगंबर वाळके (29, रा. पिंगुळी कुडाळ) असे मृत युवकाचे नाव आहे. ही घटना बुधवारी सायंकाळी 4 वा. वाजण्याच्या सुमारास घडली. बुडलेल्या युवकाचा मृतदेह अद्यापही सापडला नसल्यामुळे पोलिसांचे पथक ग्रामस्थांसह शोध घेत आहेत.
याबाबत अधिक वृत्त असे की, कुडाळ-पिंगुळीतील कॉन्ट्रैक्टर असलेला दिगंबर वाळके व त्याचा मित्र राहुल वाघ (सातारा) हे खारेपाटण येथे बुधवारी आले होते. त्यांना शुक नदीच्या पाण्याचा मोह आवरला नाहीं. दिगंबर वाळके हा पाण्यात आंघोळ करायला गेला. मात्र, तो पुन्हा पाण्याच्या बाहेर आला नाही. याबाबत माहिती राहुल वाघ याने खारेपाटण पोलीस स्टेशनला दिली. त्यानंतर खारेपाटण पोलीस दूरक्षेत्राचे पोलीस अधिकारी श्री, माने, पराग मोहिते, पोलीस पाटील दिगंबर भालेकर यांनी घटनास्थळी दाखल झाले. त्यानंतर स्थानिक नागरिकांच्या मदतीने तोच मोहीम राबवली. मात्र, बुडालेल्या युवकाचा मृतदेह सापडला नाही. त्यातच रात्र झाल्याने शोध मोहीम थांबवली, गुरुवारी पोलीस प्रशासनकडून मृतदेहाच्या शोधसाठी स्पीड बोट मागविण्यात आली. याद्वारे युवकाचा शोध घेत असल्याची माहिती स्थानिक पोलिसांनी दिली.
