बॉलिवूड अभिनेत्री नेहा धुपिया सध्या सिनेसृष्टीत कार्यरत नसली तरी छोट्या पडद्यावरील रिअॅलिटी शोंमुळे मात्र ती कायम चर्चेत असते. सध्या तिचा ‘नो फिल्टर नेहा’ नावाचा एक शो सर्वांचेच लक्ष वेधून घेत आहे. या शोमार्फत ती बॉलिवूडमधील नामांकित कलाकारांच्या मुलाखती घेते. या ट्रेंडिंग शोमध्ये अभिनेता अभिषेक बच्चन याने हजेरी लावण्यास नकार दिला आहे. लक्षवेधी बाब म्हणजे शोमध्ये येण्यासाठी नेहाने त्याला खासगीमध्ये विचारलं होतं. परंतु अभिषेकने तिला सोशल मीडियाद्वारे नकार दिला आहे.
