*कोंकण एक्सप्रेस*
*वेताळबांबर्डे पुलावर आयशर टेम्पो कंटेनर मध्ये अपघात एक जखमी*
*कुडाळ : प्रतिनिधी*
मुंबई गोवा महामार्गावर वेताळबांबर्डे पुलावर पलटी झालेले आयशर टेम्पोला कंटेनरची धडक बसली व कंटेनर पुलाच्या संरक्षक कट्यावर चढला कंटेनर नदीपात्रात कोसळल्यापासून बाल बाल बचावला गुरुवारी रात्री 12.15 वाजण्याच्या सुमारास झालेल्या या अपघातात टेम्पोचालक जखमी झाला असून याला उपचारासाठी जिल्हा रुग्णालयात दाखल करण्यात आले आहे. गोवा ते मुंबई औषध वाहतूक करणारा आयशर टेम्पो वेताळबांबर्डे पुलाजवळ आला असता चालकाचे टेम्पोवरील नियंत्रण सुटले आणि टेम्पोने पुलाच्या संरक्षक कटड्याला जोरदार धडक दिली.
या धडकेनंतर टेम्पो लेनवर उलटा फिरला याच वेळी महामार्गावर मागवून गोवा ते जेएनपीटी मुंबई अशी ब्रशांची वाहतूक करणाऱ्या कंटेनरची टेम्पोला जोरात धडक बसली. यात आयशर टेम्पो महामार्गावरील लेनवरच पलटी झाला .तर ट्रेलर पुलाच्या संरक्षक कटड्यावर जाऊन धडकला यात टेलरच्या चालकाची केबिन थेट संरक्षक कट्यावर चढली. मात्र कंटेनर मोठा असल्याने लेनच्या साईडला जात केबिन संरक्षक कटड्याला अडकली .यामुळे हा कंटेनर सुदैवाने नदीपत्रात कोसळल्यापासून बचावला. आयशर टेम्पोची संरक्षक कटड्याला धडक एवढी जबरदस्त होती की टेम्पोच्या दर्शनी भागाचा चंदामेंदा झाला. तसेच समोरील दोन्ही चाकांचा रोड तुटून चाके निखळली.
आयशर लेनवर पलटी झाल्यानंतर चालक टेम्पोच्या केबिन मध्येच अडकून राहिला होता. याला नागरिकांच्या मदतीने बाहेर काढण्यात आले .याला दुखापत झाली असून कुडाळ ग्रामीण रुग्णालयाच्या 108 रुग्णवाहिकेने उपचारासाठी जिल्हा रुग्णालयात दाखल करण्यात आले. दोन्ही वाहनांचे मोठे नुकसान झाले आहे. अपघाता दरम्यान महामार्गाच्या या लेंनवरील वाहतूक काही काळ विस्कळीत झाली होती. महामार्ग पोलिसांनी घटनास्थळी माहिती घेतली पलटी आयशर टेम्पो बाजूला करून लेन वाहतुकीस सुरळीत करण्यात आली.
