*कोंकण एक्सप्रेस*
*दादर – रत्नागिरी आणि दादर – सावंतवाडी पॅसेंजर ट्रेनच्या मागणीसाठी शिवसेना शिष्टमंडळाने घेतली रेल्वे महाप्रबंधकांची भेट*
*मुंबई : प्रतिनिधी*
दादर – रत्नागिरी आणि दादर – सावंतवाडी पॅसेंजर ट्रेनच्या मागणीसाठी पुनश्च एकदा मध्य रेल्वेच्या महाप्रबंधकांची शिवसेना (उद्धव बाळासाहेब ठाकरे) पक्षाचे शिष्टमंडळ आज गुरुवार दिनांक 20.02.2025 रोजी भेटले.
यापूर्वी दिलेल्या निवेदनाच्या अनुषंगाने मध्य रेल्वेच्या प्रशासनाने संपूर्ण नकारघंटा वाजवलेली होती, परंतु आजच्या बैठकीमध्ये रेल्वे कामगार सेनेचे श्री. संजय जोशी, श्री बाबी देव यांनी अभ्यासपूर्ण दादर वरून गाडी कशी सोडता येईल आणि या गाडीमुळे इतर गाड्यांवर कोणताही परिणाम होणार नाही, हे खूप अभ्यासाअंती श्री.मीना, जनरल मॅनेजर, सेन्ट्रल रेल्वे व उपस्थित सर्व अधिकारी यांच्यासमोर मांडले. शेवटी श्री मीना यांनी श्री संजय जोशी आणि श्री बाबी देव यांनी सुचविलेल्या पर्यायाबाबत त्यांच्याबरोबर दादर ते दिवा पर्यंतच्या मार्गाची पाहणी येत्या तीन दिवसात करावी आणि अहवाल सादर करावा असे आदेश दिले
शिष्टमंडळामध्ये खासदार – शिवसेना नेते श्री अरविंद सावंत, शिवसेना नेते – माजी खासदार श्री. विनायक राऊत, श्री अरुणभाई दुधवडकर, आमदार श्री महेश सावंत, श्री.संतोष शिंदे, श्री.बाबी देव, श्री.संजय जोशी तसेच कोकण रेल्वे प्रवासी संघटनेचे इतर पदाधिकारी उपस्थित होते.
