*कोंकण एक्सप्रेस*
*बेकायदेशीर गर्भपाताविषयी माहिती देणाऱ्यास लाखाचे बक्षिस*
*रत्नागिरी : प्रतिनिधी*
गर्भधारणापूर्व व प्रसवपूर्व गर्भलिंग निदान करणे हे पीसीपीएनडीटी कायद्यानुसार गुन्हा आहे. कायद्याचे उल्लंघन करणारी केंद्रे अथवा व्यक्ती तसेच बेकायदेशीर गर्भपाताविषयी नागरिकांनी माहिती कळवावी. कायद्याचे उल्लंघन करणाऱ्याबाबत माहिती देणाऱ्यास 1 लाख रुपयांचे बक्षीस देण्यात येईल, असे आवाहन जिल्हा शल्य चिकित्सक डॉ. बी. व्ही. जगताप यांनी केले आहे.कायद्याचे उल्लंघन करणाऱ्याबाबत माहिती देणाऱ्यास 1 लाख रुपयांचे बक्षीस देण्यात येईल.
तरी अशा प्रकारचे कृत्य करताना आढळल्यास १८००-२३३-४४७५ या हेल्पलाईन क्रमांकावर तसेच १०४ या क्रमांकावर अथवा www.amchimulgimaha.in या संकेत स्थळावर तक्रार नोंदवावी. तक्रारीची खातरजमा होऊन गुन्हा दाखल झाल्यानंतर माहिती देणाऱ्यास शासनाच्या बक्षीस योजनेअंर्तगत रु. 1 लाखापर्यंत बक्षीस देण्यात येईल.
संबंधितांचे नाव गोपनीय ठेवण्यात येईल. तरी असे प्रकार रोखण्यासाठी नागरिकांनी पुढे यावे, असे आवाहन करण्यात येत आहे.
