कै.श्रीधर नाईक उद्यानाचे होणार नूतनीकरण ; डीपीडिसी मधून 75 लाख मंजूर

*शहरातील भूमिगत विजवाहिनीचा 6 कोटींचा निधी सत्ताधाऱ्यांच्या नाकर्तेपणाने मागे गेला*

*कणकवली ः प्रतिनिधी*

जिल्हा नियोजन विकास निधी मधून कणकवली शहरातील कै.श्रीधर नाईक उद्यानाचे अद्ययावत सुशोभीकरण साठी 75 लाख रुपयांचा निधि नगरोत्थान मधून पालकमंत्री उदय सामंत यांनी मंजूर केला आहे. यासाठी खासदार विनायक राऊत आमदार वैभव नाईक आमदार दीपक केसरकर यांचे सहकार्य लाभले आहे. कणकवली शहरविकासाठी कोट्यवधी रुपयांचा निधी शिवसेनेच्या माध्यमातून दिला असल्याची माहिती शिवसेना नेते संदेश पारकर यांनी आमदार वैभव नाईक यांच्यासह आयोजित पत्रकार परिषदेत दिली. यावेळी नगरसेवक सुशांत नाईक, महिला शिवसेना जिल्हाप्रमुख नीलम सावंत, उपजिल्हाप्रमुख सुजित जाधव, माजी नगरसेवक भूषण परुळेकर आदी उपस्थित होते.
कणकवली शहरातील काही दुकाने अलीकडेच आगीने दुर्घटनाग्रस्त झाली आहेत. कणकवली नगरपंचायत कडे मोठ्या आगीला आटोक्यात आणण्यासाठी सक्षम यंत्रणा नाही आहे. कणकवली शहरासाठी अद्ययावत अग्निशमक बंबाची मागाणी पालकमंत्र्यांकडे केली आहे. येत्या काही दिवसांत अद्ययावत अग्निशामक बंब कणकवली शहराच्या सेवेत असेल. भालचंद्र महाराज सभामंडपसाठी 50 लाख चा निधी डीपीडिसी मधून दिला असून लवकरच सभामंडपाचे लोकार्पण करण्यात येणार आहे. शिवसेनेचे पालकमंत्री उदय सामंत, खासदार विनायक राऊत, आमदार वैभव नाईक, आमदार दीपक केसरकर यांच्या माध्यमातून कणकवली शहर विकासासाठी सातत्याने विकासनिधी दिला जात आहे. कणकवली नगरपंचायतमध्ये सत्ता नसली तरी शिवसेनेच्या माध्यमातून कणकवली शहर विकासासाठी शिवसेना कटिबद्ध आहे. भूमिगत विजवाहिन्यांसाठी 6 कोटींचा आयपीडिएस योजनेतील मंजूर निधी नगरपंचायत च्या सत्ताधाऱ्यांच्या दूरदृष्टी अभावी मागे गेल्याची टीका पारकर यांनी केली. अन्य ठिकाणी 1 हजार 500 दर तर कणकवली नगरपंचायत ने 5 हजार दर रस्ता रिपेअरिंग चा कोट केला होता. त्यामुळे भूमिगत विजवाहिनी चे काम होऊ शकले नाही. मात्र शहराच्या हितासाठी अन्य योजनांतून भूमिगत विजवाहिनीसाठी शिवसेना पुन्हा निधी आणेल.कणकवली शहरातील शाळा क्र 3 ची जागा भालचंद्र आश्रमाला देऊन आश्रमा च्या विस्तारीकरणा सोबत नवीन शाळा इमारतीबाबत नगरविकास मंत्री एकनाथ शिंदे यांच्याकडे मागणी केली आहे. याबाबत लवकरच बैठक आयोजित करण्यात येणार असल्याचेही पारकर म्हणाले.