*कोंकण एक्सप्रेस*
*मत्स्य व्यवसाय व बंदरे मंत्री नितेश राणे यांनी केली ट्रॉम्बे जेटीची पाहणी*
*मुंबई : प्रतिनिधी*
मत्स्य व्यवसाय व बंदरे मंत्री नितेश राणे यांनी ट्रॉम्बे येथील मच्छीमार जेटीची पाहणी करून आढावा घेतला. यावेळी मुंबई उपनगर जिल्ह्याच्या मत्स्य व्यवसाय उपयुक्त शर्वरी रणदिवे यांच्यासह विभागाचे अधिकारी आणि सागरी महामंडळाचे अधिकारी उपस्थित होते.
ट्रॉम्बे येथे सध्या असलेल्या जेटीचा विस्तार करून या ठिकाणी ३०० मीटर लांबीची नवीन जेटी उभारण्यात येणार आहे. तसेच या ठिकाणी जाळी विणण्यासाठी शेड, प्रसाधनगृह, स्वच्छता गृह बांधण्यात येणार आहे. ६० कोटी ७५ लाख रुपयांच्या या कामाचा आराखडा तयार करून नाबर्डला सादर करण्यात आला आहे. नाबार्डच्या अर्थसहायातून ही जेटी बांधण्यात येत आहे. या कामाचा मंत्री श्री राणे यांनी सविस्तर आढावा घेतला.
