*कोंकण एक्सप्रेस*
*कणकवली विद्यामंदिर माध्यमिक प्रशालेत दहावी नंतरचे करिअर मार्गदर्शन*
*कणकवली : प्रतिनिधी*
विद्यामंदिर माध्यमिक प्रशालेत इयत्ता दहावीच्या विद्यार्थ्यांना दहावीनंतरचे करिअर मार्गदर्शन करण्यात आले.मुंबई शहरातील अभ्यासक श्री कृष्णकांत सावंत साहेब यांनी विद्यार्थ्यांना करिअरच्या वाटा मार्गदर्शन करत असतांनाच अभ्यास कसा करावा याचेही मार्गदर्शन केले.तसेच सुंदर उत्तरपत्रिका कशी लिहावी अक्षर सुंदर कसे काढावे भाषा विषयांचा व्यक्तीमत्व विकासात किती महत्व आहे अवांतर वाचनाचे फायदे गणित विज्ञान विषयांचे जीवनमूल्य इतिहास भूगोल विषयांचा अभ्यास जीवन फुलविणारा कसा आहे याचे विवेचन करून विविध कोर्सेसची माहिती दहावीच्या विद्यार्थ्यांना करून दिली.
बऱ्याच विद्यार्थ्यांना अनेक कोर्सेची माहिती मिळाली गुणवता व ज्ञान यातील फरक विद्यार्थ्यांना समजून सांगितला गेला.या कार्यक्रमाला शिक्षण प्रसारक मंडळाचे अध्यक्ष श्री तवटे साहेब उपस्थित होते.विद्यार्थांना मार्गदर्शन करतांना डोळस निरिक्षण आणि आकलन क्षमता असेल तरच स्पर्धा परीक्षा आपण निश्चितपणे यशस्वी होवू या विषयी मार्गदर्शन केले.प्रशालेचे मुख्याध्यापक श्री पी जे कांबळे सरांनी करिअर मार्गदर्शन या उपक्रमाला शुभेच्छा दिल्या.प्रास्ताविक श्री अच्युतराव वणवे सरांनी केले.या कार्यक्रमाला पालक व विद्यार्थी मोठ्या संख्येने उपस्थित होते.
