*कोंकण एक्सप्रेस*
*आडाळी कोसमवाडी घाटीत डांबर वाहतूक
करणाऱ्या टेम्पोला अपघात …*
*दोडामार्ग ः शुभम गवस*
आडाळी कोसमवाडी घाटीत डांबर वाहतूक
करणाऱ्या टेम्पोला अपघात झाल्याची घटना मंगळवारी सकाळी घडली. टेम्पो पलटी होऊन पुन्हा सरळ उभा राहिला. सुदैवाने टेम्पोतील चालक वाहक सुखरूप बचावले. मात्र टेम्पोचे मोठ्या प्रमाणात नुकसान झाले आहे.
. मंगळवारी सकाळच्या सुमारास बांदाहून दोडामार्गच्या दिशेने डांबर वाहतूक करणारा टेम्पो येत होता. आडाळी घाटीतील कोसमवाडी येथे टेम्पो आला असता रस्त्यावर पडलेल्या खाणीच्या मातीमुळे चालकाचे टेम्पो वरील नियंत्रण सुटले. त्यानंतर टेम्पो दोन वेळा पलटी झाला व रस्त्यालगतच्या असलेल्या मोठ्या झाडाला अडकल्याने मोठा अनर्थ टळला व वाहकास सुखरूप बाहेर काढले. सुदैवाने दोघेही अपघातातून बचावले.
