*कोंकण एक्सप्रेस*
*सोनुर्ली भवानी मंदिरात २१ जानेवारीला त्रैवार्षिक गोंधळोत्सव*
*सावंतवाडी : प्रतिनिधी*
सोनुर्ली-पाक्याचीवाडी येथील भवानी मंदिरात श्री देवी भवानी त्रैवार्षिक गोंधळोत्सव २१ जानेवारी २०२५ रोजी साजरा होणार आहे.त्यानिमित्त विविध धार्मिक कार्यक्रमांचे आयोजन करण्यात आले आहे.
सकाळी सात वाजता श्री देवी भवानीची विधीवत पूजा, दुपारी १२ वाजता बकरा मानविणे, एक वाजता देवीचे दर्शन व ओटी भरणे कार्यक्रम, २ वाजता महाप्रसाद, रात्री ९ वाजता विधीवत मांडमांडावळ, १०.३० वाजता गोंधळ घालणे व देवीची मशाल फिरवणे, १.३० वाजता वालावलकर दशावतार नाट्यमंडळाचा नाट्यप्रयोग, पहाटे ५.३० वाजता गोंधळ घालणे व देवीची मशाल फिरविणे आदी कार्यक्रम होणार आहेत.तरी सर्व भाविकांनी आणि नागरिकांनी याचा लाभ घ्यावा असे आवाहन हिराप बंधू व ग्रामस्थांनी केले आहे.
